თამარ ტალიაშვილი: ჩემთვის პატივია ვიზეიმო ჩვენი ერების ორი მნიშვნელოვანი მოვლენა - საქართველოს დამოუკიდებლობის დღე და აშშ-ის დამოუკიდებლობის 250-ე წლისთავი

ჩემთვის პატივია ვიზეიმო ჩვენი ერების ორი მნიშვნელოვანი მოვლენა - საქართველოს დამოუკიდებლობის დღე და აშშ-ის დამოუკიდებლობის 250-ე წლისთავი, - განაცხადა საქართველოს ელჩმა ამერიკის შეერთებულ შტატებში თამარ ტალიაშვილმა საქართველოს დამოუკიდებლობის დღისადმი მიძღვნილ ღონისძიებაზე სიტყვით გამოსვლისას.

ტალიაშვილის თქმით, საქართველოს ხელისუფლება პრეზიდენტ ტრამპისა და მარკო რუბიოს მილოცვებს დამოუკიდებლობის დღესთან დაკავშირებით ძალიან აფასებს.

„ქალბატონებო და ბატონებო, თქვენო აღმატებულებავ, ძვირფასო მეგობრებო, საღამო მშვიდობისა. ჩემთვის დიდი პატივია და სასიხარულოა ამ საღამოს თქვენი მასპინძლობა. საქართველოში ძველი გამონათქვამი გვაქვს: „სტუმარი ღვთისაა“. ზუსტად ასე ვგრძნობ თავს ამ საღამოს. ჩემთვის პატივია ვიზეიმო ჩვენი ერების ორი მნიშვნელოვანი მოვლენა - საქართველოს დამოუკიდებლობის დღე და აშშ-ის დამოუკიდებლობის 250-ე წლისთავი.

ნება მომეცით ხაზი გავუსვა, რომ საქართველოს ხელისუფლება - პრეზიდენტი, პრემიერ-მინისტრი და საგარეო საქმეთა მინისტრი პრეზიდენტ დონალდ ტრამპისა და სახელმწიფო მდივნის მარკო რუბიოს მილოცვებს დამოუკიდებლობის დღესთან დაკავშირებით ძალიან აფასებენ. ისინი იქ გაჟღერებულ მესიჯებს ცალსახად იზიარებენ და აცხადებენ, რომ მიმდინარე წელი გვაძლევს ახალ შესაძლებლობებს ამერიკელ და ქართველ ხალხებს შორის მეგობრობა გავაძლიეროთ, ჩვენი დიდებული ერების უსაფრთხოების, კეთილდღეობის და საერთო სულისკვეთების განვითარებისთვის.

არსებობს რაღაც სიმბოლური, სულიერი იმაში, რომ ეს წელი არის ისტორიულად მნიშვნელოვანი ჩვენი ორი ქვეყნისთვის. შეერთებული შტატები დამოუკიდებლობის 250-ე წლისთავს აღნიშვნას, მაშინ როცა საქართველო ქრისტიანობის სახელმწიფო რელიგიად გამოცხადების 1700 წლისთავს ზეიმობს. საქართველოს დამოუკიდებლობის დღის აღსანიშნავად პრემიერ-მინისტრმა მისი უწმინდესობის პატრიარქ ილია მეორის დიდი მემკვიდრეობა აღნიშნა და შეგვახსენა მისი უკვდავი გზავნილი: „ღმერთი, სამშობლო, ადამიანი“, - აღნიშნა ტალიაშვილმა.

თამარ ტალიაშვილის თქმითვე, ეს ხედვა ემთხვევა დიდი ფასეულობების მატარებელ ამერიკელ სახელმწიფო მოღვაწეს.

„პრეზიდენტმა რონალდ რეიგანმა სწორად შენიშნა, რომ თავისუფლება ვითარდება იქ, სადაც რელიგია ცოცხალია, ხოლო ღვთის კანონები აღიარებულია. სხვა სიტყვებით, იდენტური სულისკვეთებით ორივე ქვეყანა ამას ერთნაირად აღიქვამს - თავისუფლება მორალური საყრდენის გარეშე ვერ გადარჩება, ხოლო ძლიერი საზოგადოება დგას ღირსებასა და წყალობაზე.

ძვირფასო მეგობრებო, მსურს გაგიზიაროთ ჩემი პერსონალური შეხედულებები რომელიც ელჩად მუშაობის დროს ჩამომიყალიბდა. ორი ქვეყანას დინამიკურობა ახასიათებს, განსაკუთრებული ძალა გადალახოს გამოწვევები, არასდროს დანებდეს რთულ დროს და მუდამ ძლიერი გამოვიდეს გამოწვევებიდან.

სიმტკიცეზე საუბრისას არ შემიძლია არ აღვნიშნო ჩვენს შორის მყოფი გმირები, ისინი, რომელთა ყოფნა ამ ოთახში გვახსენებს მშვიდობის, თავისუფლებისა და სუვერენიტეტის ნამდვილ ფასს. შეერთებული შტატები და საქართველო იზიარებენ ღრმა ტრადიციას იდგნენ მხარდამხარ ამ კუთხით. მათ მიერ გაღებული მსხვერპლი ჩვენი პარტნიორობის ერთ-ერთი ძლიერი საყრდენია. ამ სულისკვეთებით ჩვენ მივუძღვენით მათ გამოფენა, რათა ვაჩვენოთ ქართველების ყოფა და მიღწევები შეერთებულ შტატებში, რომლებსაც დიდი წვლილი შეაქვთ ამ შესანიშნავი ქვეყნის მშენებლობაში.

მათი ისტორიები გვახსენებს, რომ ქართულ-ამერიკული კავშირი არის არა მხოლოდ დიპლომატიური და სტრატეგიული, არამედ მას აქვს ღრმა ცივილიზაციური პრინციპები. ამის გათვალისწინებით, მოდით გავაგრძელოთ ერთად მუშაობა ჩვენი ორი ერის და ზოგადად კაცობრიობის მშვიდობის, კეთილდღეობისა და ნათელი მომავლისთვის“, - განაცხადა ტალიაშვილმა.

მასალის გამოყენების პირობები


მთავარი სიახლეები




სხვა სიახლეები

1794122215

საზოგადოება

მარიამ ქვრივიშვილი: ჩინეთი საქართველოს ერთ-ერთი უმსხვილესი სავაჭრო პარტნიორია, მიგვაჩნია, რომ არსებობს სავაჭრო-ეკონომიკური თანამშრომლობის კიდევ უფრო გაღრმავებისა და ვაჭრობის გაფართოების მნიშვნელოვანი პოტენციალი

„ჩინეთი საქართველოს ერთ-ერთი უმსხვილესი სავაჭრო პარტნიორია, 2026 წლის იანვარ-სექტემბერში სავაჭრო ბრუნვამ 2.3 მილიარდი ამერიკული დოლარი შეადგინა და 41%-ით გაიზარდა, რის მიხედვითაც ჩინეთი საქართველოს სა...

მარიამ ქვრივიშვილ

1794121199

საზოგადოება

ხან ჭენგი: მზად ვართ, შევიძინოთ კიდევ უფრო მეტი ქართული პროდუქცია და ხელი შევუწყოთ ვაჭრობის ოპტიმიზაციას, განვითარებას, მხარს დავუჭერთ ძლიერ და კონკურენტუნარიან ჩინურ კომპანიებს, რათა მათ თანმიმდევრულად განახორციელონ ინვესტიციები საქართველოში

„ბოლო წლებში ჩინეთსა და საქართველოს შორის სავაჭრო ურთიერთობების მასშტაბი სტაბილურად იზრდება, ხოლო საინვესტიციო თანამშრომლობის სფეროები მუდმივად ფართოვდება“, - ამის შესახებ ჩინეთის სახალხო რესპუბლიკის...

ხან ჭენგი

1794120476

საზოგადოება

ხან ჭენგი: შეხვედრები საქართველოს პრეზიდენტთან და პრემიერ-მინისტრთან იყო უაღრესად გულწრფელი, მეგობრული და შედეგიანი, საქართველოს ხელმძღვანელობის ენთუზიაზმმა ჩინეთ-საქართველოს ურთიერთობების განვითარების მიმართ ჩვენზე დიდი შთაბეჭდილება მოახდინა

„ჩინეთი და საქართველო უძველესი ისტორიისა და ცივილიზაციის მქონე სახელმწიფოები არიან, დიპლომატიური ურთიერთობების დამყარების შემდეგ ჩვენს ქვეყნებს შორის ურთიერთობები დინამიკურად ვითარდება, ხოლო სხვადასხვ...

ხან ჭენგი ხან ჭენგი

1794119259

საზოგადოება

ირაკლი კობახიძე: უაღრესად დიდ მნიშვნელობას ვანიჭებთ საქართველოსა და ჩინეთს შორის ურთიერთობების განვითარებას, ძალიან მზარდია ეკონომიკური თანამშრომლობა ჩინეთის სახალხო რესპუბლიკასა და საქართველოს შორის, რაც ასახულია კონკრეტულ მონაცემებში

„ჩვენ უაღრესად დიდ მნიშვნელობას ვანიჭებთ საქართველოსა და ჩინეთს შორის ურთიერთობების განვითარებას, მოხარული ვართ, რომ განსაკუთრებით ბოლო რამდენიმე წლის განმავლობაში ძალიან მზარდია ეკონომიკური თანამშრომ...

ირაკლი კობახიძ

1794118145

საზოგადოება

საქართველოს პრემიერ-მინისტრი და ჩინეთის ვიცე-პრეზიდენტი ორი ქვეყნის ბიზნესსაზოგადოების წარმომადგენლებს შეხვდნენ

საქართველოს პრემიერ-მინისტრი ირაკლი კობახიძე და ჩინეთის სახალხო რესპუბლიკის ვიცე-პრეზიდენტი ხან ჭენგი საქართველოსა და ჩინეთის ბიზნესსაზოგადოების წარმომადგენლებს შეხვდნენ. ოფიციალურ მიღებაზე, რომელიც ს...

ირაკლი კობახიძე