თენგიზ შარმანაშვილი: კანონმდებლობა უკვე ამუშავდა და შევეცდებით, რომ მინიმუმამდე დავიყვანოთ ამ შავი ფულის მოძრაობა, რომლითაც ფინანსდება ესა თუ ის პოლიტიკური აქცია

კანონმდებლობა უკვე ამუშავდა და შევცდებით რომ მინიმუმამდე დავიყვანოთ ამ შავი ფულის მოძრაობა, რომლითაც ფინანსდება ესა თუ ის პოლიტიკური აქცია, - განაცხადა „დღის ქრონიკაში“ თავდაცვისა და უშიშროების საპარლამენტო კომიტეტის თავმჯდომარის პირველმა მოადგილემ თენგიზ შარმანაშვილმა.

მისი თქმით, უცხოეთიდან შემოსული ფულით, პოლიტიკური პარტიებიც კი ფინანსდებოდნენ, რაც საქართველოს კანონმდებლობით აკრძალულია.

„დიდი ხანია დაწყებულია ამ ჯგუფების დაფინანსება. რევოლუციური სცენარების გასათამაშებლად ამ ტიპის სემინარები წლების განმავლობაში ვიხილეთ. ეს მექანიზმი დიდი ხანია მოქმედებაშია. ამიტომ დაგვჭირდა სწორედ გამჭვირვალობის კანონის შემოღება და აჟიოტაჟი გამოიწვია ამან იმის გამო, რომ რაც საჯაროდ ჰქონდათ გაცხადებული ენჯეოებს, იმ მიზნებს არ ხმარდებოდა და ქაოსის მოსამზადებლად იყო განკუთვნილი. ქართველმა ხალხმა უნდა იცოდეს რა მიზნებისთვის შემოდის ეს თანხები. ეს კანონმდებლობა უკვე ამუშავდა და შევეცდებით რომ მინიმუმამდე დავიყვანოთ ამ შავი ფულის მოძრაობა, რომლითაც ფინანსდება ესა თუ ის პოლიტიკური აქცია, პოლიტიკური პარტიებიც კი ფინანსდებიან ამ ფულით. მადლობაც კი გადაუხადა ელენე ხოშტარიამ - ესა თუ ის ფონდი დამეხმარა არჩევნებშიო. ეს საქართველოს კანონმდებლობით იკრძალება. ამას არცერთი ქვეყანა არ უშვებს, არ შეიძლება პოლიტიკური მოძრაობების უცხოეთიდან დაფინანსება“, - განაცხადა შარმანაშვილმა.