ზვიად კვარაცხელია: ჩვენ არ მივიღებთ მონაწილეობას კულტურის სამინისტროს არც ერთ კონკურსზე, რადგან მიგვაჩნია, რომ ეს თავისუფალი ლიტერატურული პროცესის წინააღმდეგაა მიმართული

გამომცემლობების – „ინტელექტისა” და „არტანუჯის” მთავარი რედაქტორი, მწერალი ზვიად კვარაცხელია სოციალურ ქსელში განცხადებას ავრცელებს და აცხადებს, რომ ისინი კულტურის სამინისტროს ამჟამინდელი ადმინისტრაციის მიერ ორგანიზებულ არც ერთ კონკურსზე მონაწილეობას არ მიიღებენ.

როგორც კვარაცხელია ფეისბუკ პოსტში განმარტავს, "მიგვაჩნია, რომ ეს თავისუფალი ლიტერატურული პროცესის წინააღმდეგაა მიმართული"

"ექსკლუზივ ტვ" კვარაცხელიას ფეისბუკპოსტს უცვლელად გთავაზობთ:

"ცოტა ხნის წინ კულტურის სამინისტრომ გამოაცხადა კონკურსი „ახალი ქართული წიგნი – მწერლების ხელშეწყობა”. როგორც გამომცემლობების – „ინტელექტისა” და „არტანუჯის” მთავარმა რედაქტორმა, ხაზგასმით მინდა აღვნიშნო, რომ ჩვენ არ მივიღებთ მონაწილეობას კულტურის სამინისტროს ამჟამინდელი ადმინისტრაციის მიერ ორგანიზებულ არც ერთ კონკურსზე, რადგან მიგვაჩნია, რომ ეს თავისუფალი ლიტერატურული პროცესის წინააღმდეგაა მიმართული.

ჩვენს ამ გადაწყვეტილებას წინ უძღოდა „ინტელექტის” მიერ გასულ წელს ინიცირებული სამი პროექტის – დავით წერედიანის, ბაჩანა ბრეგვაძისა და ვახტანგ ჯავახაძის უმნიშვნელოვანეს გამოცემათა სრული იგნორირება კულტურის სამინისტროსგან და ამ გადაწყვეტილების დაუსაბუთებლობა, რამაც კიდევ ერთხელ დაგვარწმუნა იმ არაჯანსაღ დამოკიდებულებაში, რაც არახალია სამინისტროს მხრიდან.

სოლიდარობას ვუცხადებთ კულტურისა და სახელოვნებო სფეროებიდან უსამართლოდ დევნილ პროფესიონალებს", - აღნიშნულია ზვიად კვარაცხელიას განცხადებაში.

ასევე დაგაინტერესებთ:

* "თუ თქვენს ტელეფონში Datacomm-ის სახელით მიიღეთ sms, არ გადახვიდეთ იქვე მითითებულ ბმულზე" - პერსონალურ მონაცემთან დაცვის სამსახური მოსახლეობას აფრთხილებს

* „სიამაყით შევცქეროდი ოქტომბრელის გულსაბნევს, სადაც ლენინი იყო გამოსახული, ბავშვობიდან ყურებამდე ვიყავი მასზე შეყვარებული“ - თინა კანდელაკი ლენინის 152 წლის იუბილეს პოსტს უძღვნის