„10 წლიანი ემიგრაციის შემდეგ, გეუბნებით, რომ ევროპაში არავინ გართმევს ქართველობას, რუსეთისგან განსხვავებით“ - ჟურნალისტი ნინა მამუკაძე

„10 წლიანი ემიგრაციის შემდეგ, გეუბნებით, რომ ევროპაში არავინ გართმევს ქართველობას, რუსეთისგან განსხვავებით“,  - ამის შესახებ იტალიაში მცხოვრები ქართველი ჟურნალისტი, მედიამაუწყებელ exclusivetv.ge-ს იტალიის ბიუროს ხელმძღვანელი, ნინა მამუკაძე სოციალურ ქსელში წერს. 

„ემიგრაციის წლებთან ერთად, ღრმავდება ჩემი ინტეგრაცია და ამავე დროს ღრმავდება ქართველობის განცდა.მეძვირფასება ქართული და ქართველი და ამავე დროს საოცრად ჩემია ევროპული ღირებულებები.

ცოტა მოგვიანებით გავაცნობიერე, რომ ეს ორი, ერთმანეთისგან განუყოფელი ცნებებია.

ახლა საქართველოს მომავალი წყდება…გემუდარებით, ვისაც ეს გეხებათ, ნუ გაუშვებთ ამ შესაძლებლობას ხელიდან. დაუბრუნეთ ქართველებს მათი ბუნებრივი მდგომარეობა - იყვნენ ევროპელები, მაგრამ შეინარჩუნონ ქართული იდენტობა.

დიახ, მე, 10 წლიანი ემიგრაციის შემდეგ, გეუბნებით, რომ ევროპაში არავინ გართმევს ქართველობას, რუსეთისგან განსხვავებით, რომელიც საქართველოს მიწაზე პირველად ფეხისდადგმისთანავე, ჩვენს მოდიფიკაციას და დაკნინებას ცდილობს, ხან ენის, ხან რელიგიის, ხან ტერიტორიების და ხანაც ტრადიციების შებღალვით.“, - წერს  ემიგრანტი ჟურნალისტი.

ასევე დაგაინტერესებთ:

🔵 „აი, ის, ვითომ ქვეყნის მეგობრებად რომ გვევლინებიან, თავიანთი ქვეყნები ჩართონ ომში“ - კახა კალაძე

🔵 დიმიტრი ხუნდაძე - თუ საქართველო სტატუსს უსამართლო ვალდებულებებით მიიღებს, ქვეყანამ მასზე უარი უნდა თქვას - სტატუსის მისაღებად ღირსებას ვერ დავთმობთ!

🔵 "არ მიმაჩნია, რომ ვინმეს უნდა გადავყვეთ, ​არც სააკაშვილს, არც გვარამიას და არც ბიძინა ივანიშვილს, ამისთვის ვბრუნდები საქართველოში და იქ დავიცავ ამ მომავალს" - პრეზიდენტის საგანგებო განცხადება ბრიუსელიდან