12 ივნისს ათენში უკრაინელ ლტოლვილთა მხარდასაჭერად საქველმოქმედო კონცერტი გაიმართება

12 ივნისს ათენში, ათენის ქართულ ქორეოგრაფიული ანსამბლი „კავკასია“ უკრაინელი ლტოლვილების მხარდაჭერისა და სოლიდარობის ნიშნად საქველმოქმედო კონცერტს გამართავს. 

კონცერტი  12 ივნისს, კვირას, 16:00 საათზე  თეატრ კნოსოში ( Θεατρο Κνωσος).  ჩატარდება. 

ამის შესახებ  ინფორმაციას ფეისბუკ გვერდი "ათენის ქართველები კავკასია" ავრცელებს. 

„საქველმოქმედო კონცერტი უკრაინელ ლტოლვილთა მხარდასაჭერად!

ჩვენი ვეტერანი ანსამბლი კავკასია (დაარსდა 2000 წელს) წლევანდელი საანგარიშო და ტრადიციული კონცერტი საქველმოქმედო იქნება!

ნიჭიერი ქართველი აღსაზრდელები, თავიანთი ხელოვნებით ათენში მცხოვრებ  უკრაინელ და  ბერძენ თანატოლებთან ერთად, გულწრფელ სოლიდარობას გამოუცხადებენ უკრაინიდან დევნილ ლტოლვილებს.

საქველმოქმედო კონცერტი გაიმართება ა.წ. 12 ივნისს, კვირას, 16:00 საათზე, თეატრში „კნოსოს“ (პატისიონის ქ. 195 & კნოსუს ქ. 11 - Θεατρο Κνωσος).
 

დასწრება: 5 ევრო

ქორეოგრაფები: Eka Gigolashvili & Shota Tskvitishvili
ლოტბარები: Mamuka Inadze & Anna Imedadze
6995.956444, 6999.640412, 6939.179485, 6994.079733, 6995.984242

თეატრის ფოიეში პარალელურად გაიმართება სხვადასხვა სახის აქტივობები, რათა შეგროვდეს დამატებითი თანხა;

როგორც კონცერტიდან, ასევე სხვა აქციებიდან შემოსული თანხა გადაეცემა ერთ-ერთ არასამთავრობო დიასპორულ ორგანიზაციას, რომელიც ჩართულია ლტოლვილი ოჯახებისათვის როგორც საყოფაცხოვრებლო, ასვე საინფორმაციო და კულტურულ-საგანმანათლებლო სახის საქმიანობაში.“, - წერია ინფორმაციაში.

კონცერტის მხარდამჭერია მედია მაუწყებელი „ექსკლუზივიტივი“ -  www.exclusivetv.ge.

ასევე საინტერესოა:

🔵გლიფადაში ათასობით ჰექტარი მიწა ფერფლად იქცა - დრონით გადაღებული შოკის მომგვრელი კადრები

🔵საბერძნეთში ასპროპირგოში ძლიერი ხანძარია - მოსახლეობას სიფრთხილისკენ მოუწოდებენ

🔵საბერძნეთში, განსაკუთრებით საშიში იასამნისფერი მედუზა გამოჩნდა - როგორ მოვიქცეთ მისი ნაკბენის შემთხვევაში?!