"დიდი ალბათობით მაიმუნის ვირუსი საბერძნეთშიც შემოვა, პანიკა საჭირო არ არის, ყურადღება მიაქციეთ ხელების დაბანას" - ბერძენი პროფესორი

ათენ-პირეას  ექიმთა ასოციაციის დირექტორმა, პროფესორმა მატინა პაგონმა ტელეკომპანია SKAI-ს  გადაცემაში მაიმუნის ჩუტყვავილაზე ისაუბრა, რომელმაც მსოფლიოს შეშფოთება გამოიწვია და აღნიშნა, რომ შესაძლებელია,  ის საბერძნეთში გამოჩნდეს, თუმცა  „ჩვენ შეგვიძლია გავუმკლავდეთ მას“- თქვა მან. 

„მაიმუნის ყვავილი არ არის პანდემია, ის ენდემური დაავადებაა აფრიკაში და განსაკუთრებით კონგოში გავრცელებული, ჩვენ მას დიდი ხანია ვიცნობთ. აფრიკის გარდა მსოფლიოს სხვა ქვეყნებში  დაახლოებით 100 შემთხვევაა გამოვლენილი, რაც იმას ნიშნავს, რომ ვირუსი მართვადია. ჩუტყვავილა ვირუსული ინფექციაა. დიდი ალბათობით, შეიძლება, რომ ის ჩვენს ქვეყანაშიც გამოჩნდეს, თუმცა ჩვენ შეგვიძლია გავუმკლავდეთ მას. ვიცით რომ ეს არის ვირუსი, ვიცით მისი სიმპტომები, როგორ ვითარდება და როგორ გადაეცემა სასუნთქი გზებით, კონტაქტით და სხეულის დაზიანებებით". - განაცხადა პროფესორმა.

მისი განმარტებით, ფატალური შედეგით შეიძლება ნებისმიერი დაავადება დასრულდეს, თუმცა ამ კონკრეტული ვირუსის, აღმოჩენილი შემთხვევების სამკურნალოდ არ გამხდარა საჭირო რაიმე სპეციალური წამალი ან სამკურნალო თერაპიის განსაკუთრებული მეთოდი. მისი მკურნალობა შესაძლებელია სახლის პირობებშიც.

როგორც მან აღნიშნა ვირუსის საწინააღმდეგო ვაქცინა უკვე არსებობს, მაგრამ "ჩვენ ჯერ შორს ვართ, შევხედავთ მის განვითარებას და გვექნება თუ არა შემთხვევები საბერძნეთშიც". 

"არ არის საჭირო პანიკა, მაგრამ ყურადღება უნდა მივაქციოთ ჰიგიენას, ხელების დაბანას“, - აღნიშნა თენ-პირესი  ექიმთა ასოციაციის დირექტორმა, პროფესორმა მატინა პაგონიმ. 

ასევე საინტერესოა:

🔵ბერძენ ქალს შეატყობინეს, რომ 47 წლის ემიგრანტ კაცზე იყო დაქორწინებული

🔵საბერძნეთის საავადმყოფოები მაიმუნის ჩუტყვავილასთან გასამკლავებლად მზდყოფნაში არიან

🔵საბერძნეთის პოლიციამ, ჩემოდანში ნაპოვნი, გარდაცვლილი ჩინელი ქალის მკვლელი დააკავა