ირანელ ლტოლვილს, რომელმაც საბერძნეთის ეროვნულ გამოცდებზე უმაღლესი ქულები მოიპოვა, კირიაკოს მიცოტაკისი შეხვდება

19 წლის ირანელ ლტოლვილს, რომელმაც საბერძნეთის ეროვნულ გამოცდებზე უმაღლესი ქულები მოიპოვა, პრემიერ მინისტრი, კირიაკოს მიცოტაკისი პირადად დაუკავშირდა და შეხვედრა შესთავაზა.

ბერძნული მედიის ინფორმაციით, მივლინებით მადრიდში მყოფმა საბერძნეთის პრემიერ მინისტრმა, მას შემდეგ რაც 19 წლის ირანელი ლტოლვილი ბიჭის, მიერ ეროვნულ გამოცდებზე მოპოვებული წარმატების შესახებ შეიტყო მას ტელეფონით დაუკავშირდა, მიულოცა წარმატება და მასთან პირისპირ შეხვედრის ინიციატივა გამოთქვა.  

კერძოდ მათი საუბარი, ესპანეთში ნატოს სამიტამდე ცოტა ხნით ადრე შედგა.

პრემიერმინისტრმა 19 წლის კუროს,  მისაბაძი მაგალითი და ოპტიმიზმის წყარო უწოდა და მათი პირისპირ შეხვედრა, მის ოფისში მომავალ კვირას დაგეგმა. 

შეგახსენებთ, რომ 19 წლის კუროსი მშობლებთან და უმცროს ძმასთან ერთად, ირანიდან საბერძნეთში 3 წლის წინ ნავით ჩამოვიდა,  რის შემდეგაც მას რთული ცხოვრების გავლა მოუწია. როგორც მან თავად აღნიშნა, ბოლო ერთი წელია რაც მათი  ცხოვრება ნორმალური გახდა, კერძოდ მას შემდეგ რაც ოჯახმა საბუთები აიღო და მიტილინში ბინის ქირაობა შეძლო.  

19 წლის ირანელმა ლტოლვილმა, რომელიც სამი წლის წინა ბერძნულად არც კი საუბრობდა, წელს საბერძნეთის ეროვნული გამოცდები წარმატებით ჩააბარა და მოპოვებული ქულების რაოდენობით, მის სკოლაში მეორე ადგილი დაიკავა. 

ასევე საინტერესოა:

🔵საბერძნეთში ქართული დიასპორის წარმომადგენლებს საქართველოს პარლამენტის წევრები შეხვდნენ

🔵სამი წლის წინ, ირანიდან ნავით ჩამოსულმა ბიჭმა, საბერძნეთის ეროვნულ გამოცდებზე უმაღლესი ქულები აიღო

🔵საბერძნეთში დააკავეს 47 წლის ქართველი ქალი, რომელიც ხანდაზმულებს საძილე საშუალებებით აძინებდა და ძარცვავდა