რამდენი ევრო დაგიჯდებათ გარუჯვა ათენის პლაჟებზე?!

თუ თქვენ ათენში იმყოფებით და გადაწყვიტეთ გარუჯვა, ალბათ დაგაინტერესებთ თუ რა რაოდენობის თანხა უნდა იქონიოთ ამისთვის?! 

ორგანიზებულ პლაჟზე დასვენების ღირებულება  მის მდებარეობასა და შეთავაზებულ სერვისებზეა დამოკიდებული. 

წელს, სხვადასხვა  საქონელზე და მომსახურებებზე ფასების გაზრდა პლაჟების სფეროზეც აისახა, ვინაიდან წინა სეზონებთან შედარებით ფასები აშკარად გაიზარდა. 

აქვე უნდა აღინიშნოს ისიც, რომ თითქმის ყველა პლაჟზე, დასვენების დღეებში ფასი ჩვეულებრივ, სამუშაო დღეებისგან განსხვავებულია.

მაშ ასე, დავიწყოთ ალიმოს პლაჟით "ακτη του ηλιου" ( მზის სანაპირო) რომელსაც სხვებთან შედარებით ყველზე ხელმისაწვდომი ფასები აქვს.

ეს არის ერთ-ერთი საუკეთესო შეთავაზება  ოჯახისთვის რადგან აქ, ყველა ასაკის შესაფერისი გასართობი აქტივობები დაგხვდებათ. 

ორშაბათიდან პარასკევის ჩათვლით იქ შესვლა 6 ევრო ღირს, შეზლონგის ფასი კი 2 ევროა.

უმუშევრებისთვის, 65 წელზე უფროსი ასაკის პირთათვის და 12 წლამდე ასაკის ბავშვებისთვის საფასური შედარებით უფრო დაბალია. 

უქმე დღეებში და შაბათ-კვირას კი ფასები იზრდება,  ასეთ დღეებში შესვლა 8 ევრო, შეზლონგ კი 4 ევრო ღირს. 

ძალიან დიდი, რამდენიმე კილომეტრი სიგრძის  "παραλια Σχοινιά" (სხინიას სანაპირო), წიწვოვანი ტყის და იდეალურად სუფთა ზღვის მქონე პლაჟი, საუკეთესო ვარიანტია განსაკუთრებით პატარა ბავშვებისთვის. 

როგორც წესი სამუშაო დღეებში პლაჟზე  შესვლა უფასოა. ერთ კაცზე მინიმალური გადასახადი 3 ევროს შეადგენს შეზლონგი კი 2 ევრო ღირს. უქმე დღეებში და შაბათ - კვირას შესვლა  უფროსებისა და   მოზარდებისთვის  1,50 ევრო ღირს. შეზლონგის საფასური კი 5 -7 ევრომდე იზრდება. 

ვულიაგმენის პლაჟი, სამუშაო დღეებში  შესასვლელი ბილეთის შეძენას 10 ევროდ გთავაზობთ, უქმე დღეებში და  შაბათ-კვირას კი 15 ევროდ. თუმცა, ორგანიზებული პლაჟის, ზურმუხტისფერი წყლები და  თეთრი ქვიშა  ღირს ამად.  პლაჟზე შესაძლებელია ადგილის და შეზლონგის ონლაინ დაჯავშნა, ასეთ შემთხვევაში 2 შეზლონგი და ქოლგა  32,5 ევრო ჯდება, საფასურში შედის ასევე უფასო პარკინგი და ძვირფასი ნივთების შენახვა. 

ვარკიზას სანაპიროზე სამუშაო დღეებში შეზლონგები უფასოა, მაგრამ შესვლისთვის - 7,50 ევროს გადახდა მოგიწევთ. პენსიონერებისთვის, სტუდენტებისთვის და 12 წლამდე ასაკის ბავშვებისთვის სპეციალური ფასები მოქმედებს. შაბათ-კვირას პლაჟის ვიზიტორები  შესვლაში 8,5 ევრომდე იხდიან, ხოლო  შეზლონგის კომპლექტი 10 ევრო უჯდებათ.

ედემის პლაჟზე  შესვლა უფასოა, თუმცა ქოლგა და 2 შეზლონგის ფასი შაბათ-კვირას 25 ევროდან იწყება. სამუშაო დღეებში  10 ევროა.  

ფასები კიდევ უფრო მაღალია (ასტერას ვულიაგმენი) "Αστέρας Βουλιαγμένης"-ის პლაჟზე, სადაც შესვლა უფასოა თუმცა, სამუშაო დღეებში ქოლგასა და ორ შეზლონგში 50 ევროს გადახდა მოგიწევთ. უქმე დღეებში და შაბათ კვირას კი - 80 ევროსი. 

ლაგონისის გრანდ ბიჩზე,( Grand Beach) კი  ქოლგისა და შეზლონგების გარდა, კომპლექტში შედის ორი "სნაკი" და ორი ბოთლი წყალი ასევე დამატებითი მომსახურება( სეიფი, მიმტანის ღილაკი, კერძო ზონა). ამ ყველაფრის ფასი სამუშაო დღეებში 80 ევროს შეადგენს, შაბათ-კვირას და უქმე დღეებში კი 130 ევროს.

ასევე საინტერესოა:

🔵საბერძნეთის საკონსულოებმა რუსეთის მოქალაქეების სავიზო განაცხადების მიღება შეწყვიტეს

🔵რა არის "კლიდარითმო" და რაში გვჭირდება ის ?!

🔵საბერძნეთში, 30 წელს გადაცილებულ პირთათვის Covid-19-ის საწინააღმდეგო ვაქცინის მეოთხე დოზით აცრის რეკომენდაცია გაიცა