“ამბობენ, რომ იმიგრანტები მუშაობენ ისეთ სამსახურებში, რომელთაც იტალიელები არ კადრულობენ, ეს ასე არ არის!” - ჯორჯა მელონი

25 სექტემბერს იტალიაში რიგგარეშე საპარლამენტო არჩევნებია. პარტიები საარჩევნო კამპანიის აქტიურ ფაზაში შევიდნენ და განსაკუთრებით ბოლო რამდენიმე დღეა, ერთიმეორეზე მწვავე განცხადებებს აკეთებენ.

რამდენად უცნაურიც არ უნდა იყოს, პარტია Lega Nord-ის ლიდერი მატეო სალვინი, თითქმის აღარ, ან ძალიან ცოტას საუბრობს საემიგრაციო პრობლემებზე, ეს როლი ახლა ერთ-ერთმა ყველაზე რეიტინგულმა პოლიტიკურმა ფიგურამ, Fratelli d'Italia-ს ლიდერმა ჯორჯა მელონიმ შეითავსა.

ახლახან, ერთ-ერთ სატელევიზიო გამოსვლაში, მწვავედ ისაუბრა საკითხზე, რომელიც ერთნაირად მნიშვნელოვანია როგორც იტალიელების, ასევე იტალიაში მცხოვრები უცხოელებისთვის. საუბარია დასაქმების და სამუშაო პირობების პრობლემებზე უცხოელებთან კავშირში და ცალსახად სუბიექტური დამოკიდებულება გამოხატა.

"იმიგრაცია უნდა გავაკონტროლოთ Flussi-თ და უცხოელები ლეგალურად უნდა შემოვიდნენ იტალიაში, როგორც ეს ევროპის სხვა ქვეყნებში ხდება. ამბობენ, რომ იმიგრანტები მუშაობენ ისეთ სამსახურებში, რომელთაც იტალიელები არ კადრულობენ. ეს ასე არ არის! უცხოელები მუშაობენ ისეთ პირობებში, რომელთაც იტალიელები არ შეეგუებიან. თუ იტალიაში ცხოვრება გინდა, ლეგალურად შემოდი. ჩვენი პოლიტიკა უფრო ჰუმანურია, ვიდრე მემარცხენე პარტიების," - აცხადებს მელონი.

ნინა მამუკაძე

იტალია|ფლორენცია

🔵 ასევე დაგაინტერესებთ:

კვარაცხელიამ იმ რკინის ფარდის აწევა დაიწყო, რომლის მიღმაც 30 წელია, ბებერი ევროპა არ გვახედებს

შალვა გუჩმაზოვი, ტიტულოვანი მოკრივე საქართველოდან, კარიერას ნეაპოლში გააგრძელებს

ექსკლუზივი: ყველაზე მსხვილმა იტალიურმა სპორტულმა გამოცემამ Corriere dello Sport-მა, ხვიჩა კვარაცხელიას შესახებ დაწერილ სტატიაში საქართველო “დიდი დედა რუსეთის” ნაწილად მოიხსენია