"აზრი ბავშვს იცავს" - შალვა ამონაშვილის რჩევა ახალგაზრდა დედებს

აკადემიკოსი შალვა ამონაშვილი მშობლების მხრიდან ბავშვების დაშინებაზე საუბრობს „ამონაშვილის აკადემიის“ ვიდეო პოდკასტში და განმარტავს, რამდენად დიდი მნიშვნელობა აქვს ნათქვამსა და გააზრებულს მშობლის მხრიდან.

„ბავშვს აქვს ინტუიციური დაცვა.

იმანაც იცის, სად არ უნდა წავიდეს, რა არ უნდა აიღოს.

როდესაც გვინდა, რომ ბავშვმა ასანთი არ აიღოს ხელში, ვეუბნებით: „ოპ-ოპ, არ შეიძლება!“ ჯერ ერთი არ უნდა დაგვედო იქ, სადაც ხელი მიუწვდებოდა.

თუ მაინც ხელი მიუწვდა, კი არ უნდა დააშინო.

ან დანა თუ აიღო, უნდა მიხვიდე, წყნარად აიღო და უთხრა: „აი, უყურე ეს დანა რას შვრება, ამას ჭრის. უყურე როგორი წვერი აქვს.“

კი არ უნდა ატკინო ბავშვს, მაგრამ უნდა აგრძნობინო.

გათავდა, ბავშვმა გამოცდილება მიიღო, იმის მაგივრად, რომ ეშინოდეს იმის.

დედა ბავშვს თან სდევს, როდესაც ეშინია, ვაითუ რაღაც მოხდეს.

რა სჯობს, რომ დედამ გააკეთოს? თუ ბავშვი მისგან შორს არის, იფიქროს, რომ არაფერიც არ მოხდება.

აზრი ბავშვს იცავს.

მე როდესაც წარმოვიდგენ, რომ ბავშვს არაფერი ცუდი არ დაემართება, მას მართლა არ დაემართება ცუდი.

თუ ცუდ წარმოდგენებს გავიჩენ, ეს მოხდება.

ახალგაზრდა დედას ვურჩევ, რომ ბავშვზე იმედიანად იფიქროს და მას კარგი შეემთხვევა.

ბავშვი კი არ უნდა დავაშინოთ, უნდა გავათამამოთ. თამამი შვილები გვინდა ჩვენ და არა დაშინებული შვილები“, – ამბობს შალვა ამონაშვილი.

სხვა სიახლეები:

🔳 "დაინფიცირების მაჩვენებელმა იკლო" - განათლების სამინისტრო სკოლებში არსებულ ეპიდვითარებაზე

🔳 „უმნიშვნელოვანეს მოვალეობად მივიჩნევ ადამიანებს ვასწავლო როგორ არ უნდა გახდნენ ჩემი პაციენტები“ - ექიმი ნანა გეგეჭკორი

🔳 "გადაცემაში ცენზურის არსებობას უარვყოფთ" - "ახალი კვირა" განცხადებას ავრცელებს