მარიამ ხატიაშვილი, ამერიკისმცოდნეობის დოქტორი, სახალხო დიპლომატიის მკვლევარი - გაიცანით წარმატებული ქართველი მცხეთა-მთიანეთიდან

ამ კვირის განმავლობაში გაგაცნობთ ჩვენი პროგრამების რამდენიმე გამორჩეულ მონაწილეს მცხეთა-მთიანეთიდან. ელჩი დეგნანის შემდეგი ვიზიტი ჩვენი ქვეყნების 30-წლიანი პარტნიორობის აღსანიშნავად სწორედ ამ მხარეში გაიმართება, - ამის შესახებ აშშ-ს საელჩო საქართველოში სოციალურ ქსელში წერს.

„გაიცანით მარიამ ხატიაშვილი, ამერიკისმცოდნეობის დოქტორი, სახალხო დიპლომატიის მკვლევარი და ჩვენი არაერთი პროგრამის მონაწილე. ალბათ, ცოტა თუ იცნობს აშშ-ის სახალხო დიპლომატიას საქართველოში ისე, როგორც მარიამი, ვინაიდან ის ამ სფეროს ნოვატორი მკვლევარია.

მისი კვლევის შედეგებს შეგიძლიათ გაეცნოთ მარიამის სამეცნიერო მონოგრაფიაში - „ამერიკის შეერთებული შტატების სახალხო დიპლომატია საქართველოში: ცივი ომიდან სტრატეგიულ პარტნიორობამდე."

ამჟამად, აშშ-ის მთავრობის მხარდაჭერით მარიამი თბილისის სახელმწიფო უნივერსიტეტში ამერიკისმცოდნეობის სამაგისტრო და სადოქტორო პროგრამების განახლებაზე მუშაობს. თავისუფალ დროს კი საგანმანათლებლო და კულტურულ ღონისძიებებს ატარებს თბილისის ამერიკულ კუთხეში, სადაც 2012 წლიდან მოხალისე მომხსენებელია“,- წერს ამერიკის საელჩო ფეისბუკის ოფიციალურ გევრდზე.

 
ასევე დაგაინტერესებთ:

🔵 „ამოიღეთ ხმა თქვე გაუკუღმართულებო! მიმიფურთხებია თქვენი ეროვნულობისთვის!“ - სადღობელაშვილი რუსებზე ქონების მიყიდვაზე წერს

🔵 "ტრამპის ეპოქის საიმიგრაციო პოლიტიკა „დარჩი მექსიკაში“ დასრულებულია"

🔵 ამერიკის პრეზიდენტმა შვედეთისა და ფინეთის NATO-ში გაწევრიანების რატიფიცირების დოკუმენტს ხელი მოაწერა