რამდენია რომის პაპის ხელფასი და სად მუშაობდა ახალგაზრდობაში - საინტერესო ფაქტები ბერგოლიოს შესახებ

დაიბადა 1936 წლის 17 დეკემბერს, 2013 წელს ბენედიქტ XVI შეცვალა და ცხოვრობს ვატიკანში. ეს არის ფაქტები რომის პაპ ფრანცისკეს შესახებ, რომლებიც ყველამ ვიცით, მაგრამ ახლა მოგიყვებით ისეთი ფაქტების შესახებ, რომლებიც ბევრ თქვენგანს გაოცებულს დატოვებს.

1. მისი ერისკაცობის სახელი და გვარია ხორხე მარიო ბერგოლიო.

2. ის სრულყოფილად ფლობს იტალიურ, გერმანულ და ესპანურ ენებს, საუბრობს ასევე ინგლისურად, ფრანგულად და პორტუგალიურად.

3. აკლია ფილტვის ნაწილი. ბავშვობაში გადატანილი ინფექციის გამო, ერთი ფილტვის ნაწილი ამოჰკვეთეს.

4. არაჩვეულებრივად ცეკვავს და მისი საყვარელი ცეკვაა ტანგო.

5. რომის პაპს ჰყავდა მეგობარი გოგონა. „მყავდა მეგობარი გოგონა, რომელთან ერთადაც ხშირად დავდიოდი საცეკვაოდ, მაგრამ შემდეგ აღმოვაჩინე ჩემი მოწოდება,“ - თქვა პაპმა ერთხელ თავის ბიოგრაფებთან

6. სტუდენტობისას, ფინანსური პრობლემების გამო, ბუენოს აირესის ერთ-ერთი დისკოთეკის დაცვაში მუშაობდა.

7. მას ძალიან უყვარს ფეხბურთი და San Lorenzo Footbal Club-ის გულშემატკივარია.

8. თავისუფალ დროს უყვარს ფილმების ყურება და მისი საყვარელი ფილმია 1987 წელს გამოშვებული „ბაბეტის ნადიმი“.

9. ფრანცისკი პირველი არაევროპელი პაპია, ძალიან ბევრი ხნის შემდეგ. ბოლო არაევროპელი პაპი 731 წელს იქნა არჩეული.

10. რომის პაპის ოფიციალური ხელფასი 2500 ევროა.