როგორ გამოიყურება სამყარო, რომელსაც რამდენიმე მილიონი სინათლის წელი გვაშორებს - მსოფლიომ გალაქტიკის შეუცნობელი ადგილები ჯეიმს ვების ტელესკოპით დაათვალიერა

მეცნიერმა ალექს ლოკვუდმა გალაქტიკების დასათვალიერებლად შეგვამზადა და ნასას 18-წლიანი მუშაობის შედეგი წარადგინა.

ვარსკვლავების, პლანეტების, მათ შორის არსებული ბნელი მატერიების გროვა და ასობით მილიონი სინათლის წელი დედამიწიდან, დაახლოებით, ორი საათის წინ მსოფლიომ ის სამყარო დაათვალიერა, რომელიც ამ დრომდე მიუწვდომელი იყო.

ეს არ არის სამეცნიერო ფანტასტიკის ჟანრი, ჩვენ ახლა რეალურად ვხედავთ იმ სივრცეს, რომთანაც 7 600 მილიონი სინათლის წელი გვაშორებს.

დღეს ნამდვილად არცერთი ტექნოლოგიური გამოგონება არ აღემატება ჯეიმს ჯეიმს ვების კოსმოსური ტელესკოპს, რომელზედაც 90-იანი წლებიდან საუბრობენ და ფიქრობენ.

მისი მშენებლობა კი 2004 წელს დაიწყეს.

მას შეუძლია დააფიქსიროს შორეული სამყაროს ყველაზე ღრმა და მკვეთრი ინფრაწითელი გამოსახულება, რაც კი აქამდე არსებულა.

"თითის წვერზე ქვიშის მარცვალი რომ დადო, ეს იქნება სამყაროს ის ნაწილი, რომელიც ფოტოზეა.

თქვენ ხედავთ გალაქტიკებს, რომლებიც სხვა გალაქტიკების ირგვლივ ანათებენ.

ის სინათლე რომელსაც თქვენ ფოტოზე ხედავთ, 13 მილიარდ წელზე მეტი ხნის განმავლობაში მოძრაობდა.

ჩვენ ვიცით, რომ სამყარო დაახლოებით ამდენივე ხნისაა, ჩვენ თითქმის საწყისს ვუბრუნდებით.

ტელესკოპი იმდენად ზუსტია, რომ შესაძლებელი იქნება პლანეტების დანახავდა მისი ქიმიური აგებულებით," - აცხადებს ნასას ადმინისტრატორი ბილ ნელსონი.