ირაკლი კობახიძე: მე ვარ ექსპერტი, ქალბატონი კელი არა

„პირველ რიგში მე ვარ ამ საქმის სპეციალისტი. უშუალოდ ამ სფეროს სპეციალისტი, რასაც ჰქვია კონსტიტუციური სამართალი და შემიძლია გითხრათ, რომ 2%-იანი, უფრო დაბალი ბარიერი მოქმედებს ევროკავშირის წევრ მხოლოდ ორ ქვეყანაში. არცერთ ამ ქვეყანაში არ ყალიბდება ტირანია. ამას გეუბნებით როგორც ექსპერტი. რა თქმა უნდა, ქალბატონი კელი არ არის თვითონ ექსპერტი“, - ამის შესახებ განცხადება ქართული ოცნების თავმჯდომარემ, ირაკლი კობახიძემ გააკეთა.

მისი თქმით, რაც შეეხება პლურალიზმს და მრავალფეროვნებას, ამას უზრუნველყოფს სწორედ პროპორციული საარჩევნო სისტემა, რომელიც საქართველოში — პირველად, საქართველოს ისტორიაში — დანერგა სწორედ ქართულმა ოცნებამ და ეს სისტემა ამოქმედდება 2024 წლიდან.

„ევროკავშირის წევრი ქვეყნების უმეტესობაში სწორედ 5%-იანი საარჩევნო ბარიერი მოქმედებს და სისტემა, რომელიც უნდა ამოქმედდეს ქვეყანაში 2014 წლიდან "შესაბამისობაშია საუკეთესო ევროპულ პრაქტიკასთან", - აღნიშნა „ქართული ოცნების“ თავმჯდომარემ.

დღეს, საქართველოში აშშ-ს ელჩმა, კელი დეგნანმა განაცხადა, რომ დემოკრატია აზრთა სხვადასხვაობაა, ერთი აზრის დომინირება მის პრინციპებს რისკის ქვეშ აყენებს, ეს კი ზოგიერთს არ ესმის. 

აშშ-ს ელჩის თქმით, 5%-იანი ბარიერის დატოვება არ არის გზა საპარლამენტო მრავალფეროვნებისკენ და ამაზე თანხმდებიან საერთაშორისო ექსპერტები და პოლიტიკოსები. დეგნანი აღნიშნავს, რომ თუ პოლიტიკური პარტიების და ქართული ოცნების შეთანხმება არ შესრულდება, ეს სამწუხარო ფაქტი იქნება.

ასევე საინტერესოა:

🔵 მაკო გომურმა შინაგან საქმეთა სამინისტროს წინააღმდეგ დავა დაიწყო

🔵 მიხეილ სააკაშვილი: სუსი უნდა გაუქმდეს და დისკოთეკა გაიხსნას მაგის მაგივრად