ადამიანებზე „ალცაიმერის“ საწინააღმდეგო ვაქცინის გამოცდა იწყება

„ალცაიმერის“ საწინააღმდეგო ვაქცინის გამოცდა, ადამიანებზე იწყება“, - ინფორმაციას საერთაშორისო მედია ავრცელებს.

მცირე, I ფაზის კლინიკური კვლევა,თითქმის 20 წლის შემდეგ იწყება. კვლევაში მონაწილეობას მიიღებს 60-დან 85 წლამდე ასაკის 16 მონაწილე. მათ ვაქცინის ორ დოზას ერთი კვირის ინტერვალით გაუკეთებენ.

I ფაზის კლინიკური კვლევა პოტენციური ახალი მედიკამენტის უსაფრთხოებისა და დოზის დასადგენად შეიქმნა. თუ პროცესი, ისე წარიმართა, როგორც მეცნიერები ვარაუდობენ, ვაქცინის ეფექტურობის შესამოწმებლად ბევრად უფრო დიდი ტესტირება გახდება საჭირო.

საქართველოში ალცჰაიმერის გავრცელების ზუსტი სტატისტიკა არ მოიპოვება. მსოფლიოში  კი მილიარდამდე ადამიანს ნერვული სისტემის დისფუნქცია აღენიშნება. მათ შორის დაახლოებით 47 მილიონს სხვადასხვა წარმოშობის დემენცია, ჭკუასუსტობა აწუხებს. 

როგორ ამოვიცნოთ დაავადება საწყის სტადიაზე?

ალცჰაიმერის დაავადება არის დემენციის ერთ-ერთი სახე, რომლისთვისაც დამახასიათებელია მეხსიერებისა და აზროვნების დარღვევა. სიმპტომატიკა დროთა განმავლობაში მატულობს. რამდენიმე წელიწადში მეხსიერებისა და აზროვნების დეფიციტი იმდენად ღრმავდება, რომ პაციენტს უჭირს ისეთი მარტივი აქტივობების განხორციელებაც კი როგორიცაა: აზრის ჩამოყალიბება და დიალოგის წარმართვა, საკუთარ სახლში ოთახების მიგნება, დამოუკიდებლად დაბანა, ჩაცმა და სხვა.

დაავადების ყველაზე უფრო ადრეული სიმპტომია

ახლად მიღებული ინფორმაციის გახსენების სირთულე. პაციენტს როგორც წესი კარგად ახსოვს წარსული ამბები, თუმცა უძნელდება გაიხსენოს, თუ რა მიირთვა დილით საუზმეზე, ვინ იყო მასთან სტუმრად გუშინ ან რა საკითხზე საუბრობდნენ ნახევარი საათის წინ. დროთა განმავლობაში თავს იჩენს შემდეგი სიმპტომატიკა:

ჩვეული ყოველდღიური საქმიანობის შესრულების სირთულე. მაგალითად, პაციენტს ესაჭიროება მეტი დრო მისთვის ჩვეული საქმიანობის შესასრულებლად, უძნელდება თავი გაართვას მისთვის ნაცნობ ქმედებას, უჭირს მიიღოს მარტივი გადაწყვეტილებები. ანგარიშის უნარის დარღვევა. გართულებულია ფულადი ოპერაციების წარმოება, გადასახადების გადახდა, ნივთების შეძენა. ჯანსაღი და ლოგიკური აზროვნების შეფერხება
ხშირია არასწორი დასკვნები და შეცდომები. ინიციატივის დათრგუნვა. პაციენტი თანდათან კარგავს სურვილს წამოიწყოს ესა თუ ის აქტივობა. მაგალითად, პაციენტმა შეიძლება ვერ გაიხსენოს საკუთარი ოჯახის წევრების სახელები, სწორად ვერ გაიხსენოს თუ რამდენი შვილი ან შვილიშვილი ჰყავს და ა. შ. პაციენტმა შეიძლება ვერ მიაგნოს საკუთარ საცხოვრებელ ბინას და დაიკარგოს მისთვის კარგად ნაცნობ გარემოში, შეიძლება შორეულ წარსულში მომხდარი ფაქტები აღიქვას, როგორც ამჟამად მიმდინარე მოვლენები და სხვა.

შორსწასულ შემთხვევებში ვლინდება:

ჰალუცინაციები, ბოდვითი იდეები. თუმცა, არსებობს შემთხვევები ახალგაზრდა ასაკშიც. დაავადებისათვის დამახასიათებელია განუხრელი პროგრესირება, რასაც სამწუხაროდ ვერ აჩერებს თანამედროვე თერაპიული საშუალებებიც კი.

სპეციალისტების თქმით, ადეკვატური მკურნალობის პირობებში შესაძლებელია მხოლოდ დაავადების პროგრესირების შეფერხება, ანუ პროგრესირების ტემპის შემცირება. 

ასევე დაგაინტერესებთ:

🔵 აზარტულ თამაშებში ჩართული ადამიანებისა და სუიციდის მსხვერპლთა რიცხვი საქართველოში საგანგაშო ნიშნულზეა

🔵 მოხუცის მკვლელობის ბრალდებით, პოლიციამ “ბადანტე” და მისი მეგობარი მამაკაცი დააკავა