"ახლა ვიცით, რომ რუსეთი ნამდვილად აგრესორია და მას შენი ქვეყანაც ოკუპირებული აქვსო" - ნანა გეგეჭკორი ამერიკელ კოლეგებზე წერს

აშშ-ში მცხოვრები ქართველი ექიმი, ნანა გეგჭკორი თანამშრომლების შესახებ წერს, რომლებმაც ახლა, უკრაინაში შეჭრის შემდეგ ირწმუნეს, რომ რუსეთი აგრესორია.

გეგეჭკორის სტატუსს უცვლელად გთავაზობთ:

"გრძელი საუბარი მიწევდა უცხოელი მეგობრებისთვის რომ ამეხსნა 2008 წლის ომი და რუსული ოკუპაცია.

დილიდან არავის ჩაუვლია ჩემთვის სამსახურში, არ ეთქვათ, ახლა ვიცით რომ რუსეთი ნამდვილად აგრესორია და მას შენი ქვეყანაც ოკუპირებული აქვსო.

სამწუხაროდ, წლები და მსხვერპლი დასჭირდა ჩვენი სიმართლის აღიარებას.

ამ ომში სიმართლე სრულად არის უკრაინის და საქართველოს მხარეს და ამას ზედმეტი ახსნის გარეშე იგებს ომს ათასობით კილომეტრით მოშორებული ადამიანი.

დრო და მსხვერპლი თორემ გამარჯვება ჩვენს მხარეს რომ იქნება, ეს ისე ჩანს როგორც არასდროს", - წერს ნანა გეგეჭკორი.

რუსეთის პრეზიდენტმა ვლადიმერ პუტინმა დონბასში „სპეციალური სამხედრო ოპერაციის“ ჩატარების გადაწყვეტილება მაინც მიიღო. 24 თებერვალს გამთენიისას, რუსეთი უკრაინაში შეიჭრა ომი დაიწყო და ფართომასშტაბიან ოპერაციას ატარებს. მოსკოვის აგრესია დაგმეს დასავლეთში და ახალი სანქციებისთვის ემზადებიან.

შეგახსენებთ, რომ 2008 წლის აგვისტოს ომის შემდეგ, რუსეთმა საქართველოს ტერიტორიები - აფხაზეთი და "სამხრეთ ოსეთი" დამოუკიდებელ რესპუბლიკებად გამოაცხადა და მათი ოკუპაცია განახორციელა. კრემლი დღემდე აკონტროლებს საქართველოს ამ ტერიტორიებს.

ამავე თემაზე:

🔵 "მკვლელისგან ვერ ავიღებ ხელფასს" – რუსეთის სახელმწიფო თეატრის დირექტორი გადადგა

🔵 უკრაინის შეიარაღებული ძალების სამხედრო თვითმფრინავის ჩამოვარდნის შედეგად 5 სამხედრო დაიღუპა

🔵 "მე ვესაუბრე პრეზიდენტ ზელენსკის, რომელმაც არ იცის, კიდევ რამდენ ხანს იცოცხლებს" - ავსტრიის კანცლერის ემოციური გამოსვლა