"ამ დღეებში არ დარჩენილა ადამიანი ვისაც რუსეთ-საქართველოს ომზე არ უკითხავს, პასუხად ჩემს ამბავს ვყვები" - რა ისტორიას აქვეყნებს ნანა გეგეჭკორი

ამერიკაში მოღვაწე ექიმი ნანა გეგეჭკორი სოციალურ ქსელში წერს:

"სამსახურში და უცხოელ მეგობრებთან ხშირად მისაუბრია რუსეთ-საქართველოს ომზე.

ამ დღეებში არ დარჩენილა ნაცნობი ვისაც არ უკითხავს, რას ვფიქრობ უკრაინაში რუსეთის აგრესიაზე.

პასუხად ჩემს ამბავს ვყვები.

რუსეთი არც ცდილობს მიდგომები დახვეწოს, შენიღბოს, ახალი სამხედრო თუ პოლიტიკური ტაქტიკა გამოიყენოს.

ისევე ანადგურებს ყველაფერს როგორც ამას ასეული წლები სჩადიოდა მეზობელ ქვეყნებთან მიმართებაში.

ღიად, ცინიკურად ისაკუთრებს იმას რაც მისი არასდროს ყოფილა.

ყველგან, სადაც შეაბიჯებს მიაქვს ნგრევა, სიკვდილი, კორუფცია, უპერსპექტივობა.

ჩემი პასუხი თანამშრომლების კითხვაზე, რა შედეგებს უნდა ველოდეთ თუ უკრაინა რუსეთის აგრესიას ვერ გადაურჩება, არის ამ ფოტოებში.

ასე მარტივად იგებენ, რომ იქ სადაც რუსეთია არის სიკვდილი, სიცარიელე და არასდროს არ არის ადამიანის ადგილი.

ადამიანი როგორც ღირებულება რუსული გავლენის არეალში აღარ არსებობს.

საქართველოს, უკრაინას, კავკასიის ქვეყნებს აქვთ ძალიან მარტივი არჩევანი.

ვირჩევთ დამოუკიდებლობას, დემოკრატიულ ღირებულებებზე აშენებული საზოგადოებით ან მონობას, კორუფციით, ჩაგვრით, უსამართლობით, სიღარიბით.

პირველ შემთხვევაში თქვენი შვილები იცხოვრებენ ქვეყანაში სადაც საკუთარი შესაძლებლობების და შრომის საპირწონე მომავალს აიშენებენ, მეორე გზა კი გთავაზობთ ქვეყანას სადაც არავის აქვს პერსპექტივა.

საკუთარი უნარების სწორად განვითარებისა და სტაბილური, მშვიდი ცხოვრების ასაშენებლად თქვენს შვილებს მოუწევთ შორეულ ქვეყნებში გადახვეწა.

თავისუფალ, დემოკრატიულ საქართველოში შრომით, სწავლით და პატიოსნებით მშვიდი და ეკონომიურად სტაბილური ყოველდღიურობა გექნებათ, რუსული საქართველო საოკუპაციო ხაზს მიღმაა და თვალსაჩინოებისთვის ფოტოებზე შეგიძლიათ იხილოთ....", - წერს ნანა გეგეჭკორი.

სხვა სიახლეები:

⬛ „უმნიშვნელოვანეს მოვალეობად მივიჩნევ ადამიანებს ვასწავლო როგორ არ უნდა გახდნენ ჩემი პაციენტები“ - ექიმი ნანა გეგეჭკორი

⬛ "თაზო და გვაპატიე, რომ ვერ გავიგეთ როდის კვდებოდი ნელ-ნელა…" - დათო ლიკლიკაძე პოეტ თამაზ მონიავას ემშვიდობება

⬛ დონბასელი სეპარატისტების მიერ დაბომბვის შედეგად უკრაინელი ჯარისკაცი დაიღუპა

⬛ „აგერ ახლა სვანურში ქალ-კაცაც აცეკვეს, რაც იმას ნიშნავს, რომ ქორეოგრაფი არც მოცეკვავეა, არც ქართველი! უფრო ქვეყნის მტერი მგონია!“- ემიგრანტი საფრანგეთიდან