"აქციაზე, გივი სიხარულიძისგან 25 სანტიმეტრიანი დისტანცია დაიცავით, ეგეც მოდის" - ირინა სარიშვილი

"აქციაზე, ვინც მიდიხართ გივი სიხარულიძისგან 25სანტიმეტრიანი დისტანცია დაიცავით, ეგეც მოდის", - ასე ეხმაურება სოციალურ ქსელში ყოფილი დეპუტატი ირინა სარიშვილი მმართველი პარტიის მიერ დღეს დაანონსებულ აქციას.

როგორც სარიშვილი წერს, თავისუფლების მოედანზე მთავრობის აქციის მიზანი, პუტინის პირადი პატიმრის მიხეილ სააკაშვილზე ფსიქოლოგიური ზემოქმედების მოხდენაა.

"საქართველოს მთავრობის მიერ ორგანიზებული 27 ოქტომბრის აქციის ერთადერთი მიზანია პუტინის პირად პატიმარზე, ციხეში უკვე 27–ე დღის მოშიმშილე საქართველოს მესამე პრეზიდენტზე ფსიქოლოგიური ზემოქმედება და ეს იმის ფონზე რომ მიხეილ სააკაშვილს პუტინის მარიონეტი ივანიშვილის მთავრობა უარს ეუბნება კვალიფიციურ სამედიცინო დახმარებაზე, რაც არც მეტი არც ნაკლები, მისი მკვლელობის მცდელობის ტოლფასია!

აქცია თავისი მიზნით და შინაარსით გახლავთ სადიზმის და ტირანიის აქამდე არნახული საჯარო გამოვლინება.

მოგმართავთ ყველას, ვინც ხვალ იქ წასვლას აპირებთ:

როგორც არ უნდა გაშინებდნენ, როგორც არ უნდა გიჭირდეთ, რაც არ უნდა გქონდეთ მიზეზი, ვინც არ ხართ ბოროტი, ნუ მიხვალთ ამ აქციაზე!

ყველა, ვინც აქციაში მონაწილეობას მიიღებს, ძალიან დიდი ბოროტების თანამონაწილე ხდება, რომელმაც შეიძლება სათავე დაუდოს შეუქცევად სამოქალაქო დაპირისპირებას და ამას ვერანაირი ახსნა ვერ დღეს და ვერც მომავალში ვერ ექნება!

მთავრობა უხმობს ბოროტებს – ეს იცოდეთ და ნუ გახდებით ამ ბოროტების თანამონაწილე, თუ არ ხართ ასეთები!

გთხოვთ!", - წერს ირინა სარიშვილი.

შეგახსენებთ, რომ დღეს 17:00 საათზე თავისუფლების მოედანზე "ქართული ოცნების" მხარდამჭერების შემაჯამებელი საარჩევნო შეკრება გაიმართება. 

ამავე თემაზე:

🔵 დღეს "ქართული ოცნების" მხარდამჭერების შემაჯამებელი საარჩევნო შეკრება გაიმართება

🔵 შსს "ქართული ოცნების" დაგეგმილი აქციის გამო ტრანსპორტის მოძრაობის შეზღუდვის შესახებ ინფორმაციას ავრცელებს

🔵 "არჩევნები უნდა ჩავატაროთ ემიგრანტებისთვის, რომლებსაც კიდია კონკრეტული სახელები და გვარები" - ნიკა გრიგოლია