ბავშვი? ძალიან საყვარელია, მაგრამ არსებობს ეს ოხერტიალი "მაგრამ"

სოციალურ ქსელ „ფეისბუკში“ მარიკა ბერძენაძე წერილს აქვეყნებს, რომელსაც უცვლელად გთავაზობთ:

ბავშვი? ძალიან საყვარელი, ძალიან მაგარი. როგორ საყვარლად დაბანდურებდა სცენაზე. მაგრამ არსებობს ეს ოხერტიალი "მაგრამ" და ეს ჩემი "მაგრამ" არც სხვის საწოლში მიძვრება, არც არავის განიკითხავს... არც არაფერი ადამიანური მიკვირს... არც ვინმეზე ნაკლები ევროპული აზროვნება მაქვს და არც "იმან ის არ თქვას, ამან - ეს" პრინციპის გამო მიცხოვრია ერთ ჭერქვეშ რომელიმე ქმართან ძალიან ბევრი ქართველი ქალივით მარტო იმისთვის, რომ "ოჯახი მქონოდა", ვაღებდი კარს, ღიმილით ვემშვიდობებოდი, რომ უხმაუროდ დაეტოვებინათ ჩემი სივრცე... მორალისტი ვერ ვიქნები თუნდაც ჩემი თამამი ნაბიჯების გამო.

"მაგრამ" სანდრას - ქმრისთვის ყირაზე მდგომ ქალს, ქმრის იდეოლოგიის განუხრელ დამცველს, ქმრის გამო სახიდან უამრავი ტალახის ჩამომწმენდს, 2 ქართველი შვილის ჰოლანდიელ დედას, მოქმედ ცოლს და არა გაშორებულს(!), მართლა გულწრფელად თანავუგრძნობ. არ დამიწყოთ ყოვლის გამპრავებელმა ფანატიკოსებმა, ჰოლანდიელ ქალებს სხვანარი აზროვნება აქვთო. ყველა ქალს, მიუხედავად მისი წარმოშობის ადგილისა და ეპოქისა, ძირითადი გრძნობები ერთნაირი აქვს, მით უფრო, როცა საქმე ღალატს ეხება!!.....

ბავშვი არაფერ შუაშია და დარწმუნებული ვარ, სანდრასაც შეუყვარდება მისი შვილების დაიკო, მაგრამ თვითონ ფაქტია ძალიან მტკივნეული ქალისთვის, როცა ეკრანიდან იგებს მისთვის ასეთ დამამცირებელ ამბავს! როგორც ქალი, როგორც ქალიშვილის დედა, სოლიდარული ვარ მიშას შვილების ჰოლანდიელი დედის მიმართ, რასაც ვერ ვიტყვი მისი შვილის ქართველ დედაზე, რომელიც ამ დრომდე სხვა ბევრი მიზეზის (არაპოლიტიკური მიზეზის) გამო ძალიან მიყვარდა...

აგრეთვე დაგაინტერესებთ: 

📌 ,,რა გითხრათ, რით გაგახაროთ? რა მოვულოცოთ ჩვენს თავს?“ - საქართველოს პრეზიდენტის საახალწლო მილოცვა (ვიდეო)

📌 VIDEO:"შოკი იყო... ზედიზედ სამჯერ მოვისმინეთ და მაინც არ მჯეროდა... მერე დაიწყო ჩემთვის ძალიან რთული პერიოდი" - სანდრა რულოვსი სააკაშვილ-იასკოს სასიყვარულო ურთიერთობაზე

📌 "ან უფრო პრინციპულები იქნებიან, ან დაგვკარგავენ ჩვენ " - გია ხუხაშვილის რჩევა დიპლომატიურ კორპუსს