დედა ონკოლოგიურის პაციენტი იყო...მამა უმისამართოდ გაქრა - კეთილი ადამიანების იმედად დარჩენილი ბიჭის ისტორია
მამა პეტრე კოლხი, ახალი წლის დღესასწაულთან დაკავშირებით, ერთი ბიჭის სევდიან ისტორიას აქვეყნებს.
„მერვე კლასში იქნებოდა, როცა მისი მეგობრები საახალწლოდ ემზადებოდნენ და მთელი ჟრიამული ჰქონდათ საკლასო ოთახში… ერთმანეთისთვის საჩუქრები უნდა მოემზადებინათ და საზეიმო ნაძვის ხის ქვეშ დაეწყოთ… გიგი ბოლო მაგიდასთან იჯდა და დაფიქრებული ფანჯარას გაჰყურებდა… აკვირდებოდა თოვლის პირველი ფიფქები როგორ ეცემოდა მინაზე, მისი კლასელები ღია ფანჯრიდან როგორ ლამობდნენ გაშლილი ხელის გულებით ფანტელების გამოჭერას. გიგი ძალიან მეგობრული, თავაზიანი და მოკრძალებული იყო, დიდად არ უყვარდა მისი განცდების აფიშირება… დარდს კი იმხელას დაატარებდა, ნაადრევად დაბერებულ შუბლზე მთელი მისი სატკივარი ეწერა…
მამა უმისამართოდ გაქრა… დედა ონკოლოგიურის პაციენტი იყო და სამკურნალოდ იმდენი მედიკამენტები სჭირდებოდა, ნათესავები და ახლობლები რომ არა, დიდი ხნის წინ იქნებოდა გარდაცვლილი…
არ ჰქონდა საზეიმო მიზეზი გიგის, მაგრამ მეგობრების სიყვარულით გულიანად გაიღიმებდა…
დაბადების დღეებზე, ღონისძიებებზე, ისე უთქმელად შეუგროვებდნენ თანხას, თქმაც არ სჭირდებოდა, თუმცა ეს იმდენად ეუხერხულებოდა, ხშირად ფიქრობდა სკოლაში არ ევლო…
ჰოდა, ახლაც ახალი წელი დგებოდა, საჩუქრების, ხარჯების, მიმოსვლების სეზონი…
ასაკით პატარა იყო, მაგრამ გარშემო ხშირად იტყოდნენ, როგორი დაბრძენებული ბიჭია ჩვენი გიგიო…
ჰო, ცხოვრების სტილს გააჩნია, ზოგი დაბადებიდან ბრძენია, ზოგიც საუკუნეს ისე მოკეცავს, სიბრძნე გვერდითაც არ ჩაუვლის…
თავის ტკივილი მოიმოზეზა და სახლში ბოლო გაკვეთილიდან წავიდა…
დედა ლოგინში იწვა, მეორე დღეს ახალი წელი დგებოდა… დიდად არც მოსამზადებელი ჰქონდათ რამე…
გოზინაყით და მოხარშული გოგრით მეზობელმა მოიკითხა, თათარას თვითონ მოამზადებდა, დედის კარნახით…
ბოლო გაკვეთილი დამთავრდა, კლასელებმა მოისაკლისეს გიგი და უთქმელად ყველაფერს მიხვდნენ, რომ თავის ტკივილი მხოლოდ მიზეზი იქნებოდა.
გეგმები შეცვალეს და ღამის თორმეტ საათზე გიგის სახლს მიადგნენ…
მანამდე არასდროს ჰქონია ასე კარგად დასამახაოვრებელი ახალი წელი გიგის…“,-დაწერა ფეისბუკის საკუთარ გვერდზე, პეტრე კოლხმა.
ასევე დაგაინტერესებთ:
🔵ყველაზე საშიში ადგილები მსოფლიოში - ეს სტატია აუცილებლად უნდა წაიკითხოთ!
მთავარი სიახლეები
1790015734
საზოგადოებაშალვა პაპუაშვილი სომხეთის რესპუბლიკის დამოუკიდებლობის აღდგენისადმი მიძღვნილ მიღებას დაესწრო
საქართველოს პარლამენტის თავმჯდომარე შალვა პაპუაშვილი სომხეთის რესპუბლიკის დამოუკიდებლობის აღდგენის 35-ე წლისთავისადმი მიძღვნილ ღონისძიებას დაესწრო და სომეხ ხალხს ისტორიული დღე მიულოცა. „საქართველოსა დ...
1790013180
საზოგადოებასაქართველოს საგარეო საქმეთა მინისტრი ბულგარელ კოლეგას შეხვდა
გაეროს გენერალური ასამბლეის 81-ე სესიის ფარგლებში, საქართველოს ვიცე-პრემიერი, საგარეო საქმეთა მინისტრი მაკა ბოჭორიშვილი ბულგარეთის რესპუბლიკის საგარეო საქმეთა მინისტრს, ველისლავა პეტროვა-ჩამოვას შეხვდ...
1790011413
საზოგადოებამცხეთის მუნიციპალიტეტის მერმა გოგი აბუაშვილმა თანამდებობა დატოვა
გოგი აბუაშვილმა მცხეთის მუნიციპალიტეტის მერის თანამდებობა დატოვა. „საქართველოს ორგანული კანონის „ადგილობრივი თვითმმართველობის კოდექსი“ 56-ე მუხლის მე-2 პუნქტის „ბ“ ქვეპუნქტის შესაბამისად, ჩემი პირადი...
1790009163
მსოფლიოპესკოვი: რუსეთი არც საფრანგეთისთვის და არც ევროპის რომელიმე სხვა სახელმწიფოსთვის საფრთხეს არ წარმოადგენს
რუსეთი არც საფრანგეთისთვის და არც ევროპის რომელიმე სხვა სახელმწიფოსთვის საფრთხეს არ წარმოადგენს, – ამის შესახებ რუსეთის პრეზიდენტის პრესმდივანმა, დიმიტრი პესკოვმა განაცხადა. მისი თქმით, ეს რუსეთის პრე...
1790007077
მსოფლიოტრამპი: აშშ მუშაობს მასშტაბურ გარიგებაზე ბელარუსისგან კალიუმის სასუქის შესყიდვასთან დაკავშირებით - ფასი საგრძნობლად დაბალი იქნება იმასთან შედარებით, რასაც ახლა კანადას ვუხდით
აშშ ბელარუსისგან კალიუმის სასუქის შესყიდვის მიზნით მასშტაბურ შეთანხმებას ამზადებს. ამის შესახებ აშშ-ის პრეზიდენტმა, დონალდ ტრამპმა განაცხადა. ტრამპის თქმით, ახალი შეთანხმებით შეთავაზებული ფასი მნიშვნე...
