ევროსაბჭოს პრეზიდენტი: ჩვენს კონტინენტს უსაფრთხოებისთვის 360 გრადუსიანი ხედვა სჭირდება, მზარდი ქაოსის სამყაროში ეს ხედვა საჭიროებს მკაფიო პრინციპს, რომ ევროპა უნდა იყოს კანონზე დაფუძნებული საერთაშორისო წესრიგის დაცვის წინა ხაზზე

ევროკავშირი მზად არის, რომ იყოს სანდო პარტნიორი. რომ ეს ხედვა, რეალობად აქციოს. უზრუნველყოს მშვიდობისა და შესაძლებლობების გარდაუვალობა ჩვენი კეთილდღეობისთვის, - განაცხადა ევროსაბჭოს პრეზიდენტმა ანტონიუ კოშტამ ევროპული პოლიტიკური გაერთიანების მერვე სამიტზე სიტყვით გამოსვლისას.

მისი თქმით, ევროპა უნდა იყოს კანონზე დაფუძნებული საერთაშორისო წესრიგის დაცვის წინა ხაზზე.

„სომხეთის დემოკრატიის გაძლიერება სასიცოცხლოდ მნიშვნელოვანია, ისევე, როგორც ბრძოლა გარე ძალებთან და დეზინფორმაციასთან. არის კიდევ ერთი მიზეზი, რის გამოც ეს სამიტი ისტორიულია. პირველად მოვიწვიეთ არა ევროპელი სტუმარი - კანადის პრემიერ-მინისტრი მარკ კარნი, რომ მონაწილეობა მიიღოს ევროპული პოლიტიკური საზოგადოების სამიტში. ევროპაში გეოპოლიტიკური სიტუაცია ხასიათდება უკრაინის წინააღმდეგ რუსეთის მიმდინარე აგრესიითა და ახლო აღმოსავლეთში არსებული კონფლიქტებით. ეს მოწმობს, რომ ჩვენს კონტინენტს უსაფრთხოებისთვის 360 გრადუსიანი ხედვა სჭირდება. მზარდი ქაოსის სამყაროში ეს ხედვა საჭიროებს მკაფიო, ყოვლისმომცველ პრინციპს, რომ ევროპა უნდა იყოს კანონზე დაფუძნებული საერთაშორისო წესრიგის დაცვის წინა ხაზზე“, - განაცხადა ანტონიუ კოშტამ.

ერევანში, ევროპული პოლიტიკური გაერთიანების მერვე სამიტი მიმდინარეობს. საქართველოს პრემიერ- მინისტრი მრგვალი მაგიდის ფორმატში ევროპელ ლიდერებს მიმართავს. დაგეგმილია ორმხრივი შეხვედრებიც. მათ შორის პრემიერი უკრაინული მხარის ინიციატივით უკვე შეხვდა უკრაინის პრეზიდენტს. ირაკლი კობახიძე დაესწრო სამიტის პლენარულ სესიას, რომელიც მასპინძელი ქვეყნის პრემიერ-მინისტრმა და ევროპული საბჭოს პრეზიდენტმა, გახსნეს.