შალვა ნათელაშვილი: პატრიარქმა წამიკითხა ლექცია, რომ მარტო კრიტიკა კი არაა მთავარი, საქმეც უნდა აკეთო თურმე - მოკლედ ვულოცავ, დაბადების დღეს, მაგრამ მრჩება შთაბეჭდილება რომ ჩვენ გვყავს სამთავრობო პატრიარქი

"ლეიბორისტული პარტიის" თავმჯდომარე შალვა ნათელაშვილი სოციალურ ქსელ ფეისბუკში საქართველოს კათოლიკოს-პატრიარქ ილია მეორის იუბილეს ეხმაურება და პოლიტიკოსების პატრიარქთან გადაღებულ ფოტოებს აკრიტიკებს:

"რა უნდა ამ სატანას პატრიარქთან???

მახსოვს 2013 წელს ყაზბეგში მქონდა საარჩევნო შეხვედრები რა თქმა უნდა მახლდნენ ტელევიზიებიც.

როდესაც ადგილობრივმა აქტივმა მითხრა პატრიარქი აქაა სნოში იქნებ მოგენახულებინაო, მე სიხარულით გავეშურე მასთან, თუმცა გზაში შემოგვითვალეს, რომ პატრიარქთან ჩემი არა თუ ტელეკადრი, არამედ ფოტოს გადაღებაც არ დაიშვებოდა.

ადგილზე მისვლისას უწმინდესის დაცვას უკლებლივ ყველას ეცვათ ქართული ოცნების მაისურები, ხოლო პატრიარქმა მათ მოსასმენად წამიკითხა ლექცია, რომ მარტო კრიტიკა კი არაა მთავარი, საქმეც უნდა აკეთო თურმე.

მოკლედ ვულოცავ, რა თქმა უნდა დაბადების დღეს, მაგრამ მრჩება შთაბეჭდილება რომ ჩვენ გვყავს სამთავრობო პატრიარქი, რომელსაც ბნელ მასას ღმერთად უცხადებენ რაც ქრისტიანობასთან უკვე ძალიან შორსაა.

სადმე გინახავთ, რომ პოლიტ-ლიდერები თუ სახელმწიფოს ხელმძღვანელები იჩოქებდნენ სასულიერო პირი წინაშე ყველას დასანახად.

არავითარი სახელმწიფო ჩვენგან კაი ხანი არ შედგება.

ჩვენ ვქმნით მუდმივად კერპებს, ვამსვრევთ და მერე ისევ ვქმნით.

აქაა სწორედ ჩვენი განუკურნებელი პრობლემა", - წერს შალვა ნათელაშვილი ფეისბუკზე.

ცნობისთვის, სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი, ბიჭვინთისა და ცხუმ-აფხაზეთის მიტროპოლიტი, უწმინდესი და უნეტარესი ილია II 89 წლის გახდა.

სხვა სიახლეები:

🔳 კობახიძის პასუხი აშშ-ს საელჩოს: ასეთი განცხადებები არყევს საზოგადოების ნდობას, ეს არ უნდა დავუშვათ

🔳 "დღეისთვის "ომიკრონის" 148 ლაბორატორიული შემთხვევაა დადასტურებული" - თამარ გაბუნია

🔳 პრემიერი: დღეგრძელობას, ჯანმრთელობასა და მხნეობას ვუსურვებ მის უწმინდესობას, საქართველოსა და მისი ხალხის საკეთილდღეოდ