კობახიძის პასუხი აშშ-ს საელჩოს: ასეთი განცხადებები არყევს საზოგადოების ნდობას, ეს არ უნდა დავუშვათ

"ჩვენ ჩვენს პარტნიორებთან გვაქვს 30-წლიანი წარმატებული თანამშრომლობის გამოცდილება, ხშირად მათგან ვიღებთ რჩევებს და ვითვალისწინებთ მათ და არის ხოლმე ასეთი გამონაკლისი შემთხვევები, როდესაც ვისმენთ არასამართლიან და არასწორ შეფასებებს", – ამის შესახებ „ქართული ოცნების“ თავმჯდომარემ, ირაკლი კობახიძემ აშშ-ს საელჩოს განცხადების საპასუხოდ განაცხადა, სადაც საელჩო მმართველ გუნდს აკრიტიკებს.

"ძალიან ხშირად ჩვენ ვიღებთ პარტნიორებისგან რჩევებს და ვითვალისწინებთ ხოლმე ამ რჩევებს.

არის, სამწუხაროდ, ასეთი გამონაკლისი შემთხვევები, როდესაც ჩვენ ვისმენთ არასამართლიან და არასწორ შეფასებებს მათი მხრიდან და ეს არის ამის მორიგი მაგალითი.

სამწუხაროდ, ასეთი განცხადებები არყევს საზოგადოების ნდობას დასავლელი პარტნიორების მიმართ, რაც არ არის კარგი. ეს ჩვენ არ უნდა დავუშვათ.

ჩვენ ვიცით, რომ არის ხოლმე ადამიანური შეცდომები, არასწორი ინფორმაცია და ა.შ., თუმცა საზოგადოებისთვის, სამწუხაროდ, ეს არ არის გამართლება და ახსნა. ჩვენთვის მნიშვნელოვანია, ბუნებრივია, რომ საზოგადოების სათანადო ინფორმირება მოვახდინოთ.

რაც შეეხება შინაარსს, აქ არის არაერთი უზუსტობა. მთლიანობაში არის არასამართლიანი განცხადება, არის უზუსტობები, მათ შორის ფაქტობრივი უზუსტობები, ტექნიკური შეცდომები, რაც არის ძალიან სამწუხარო.

რა თქმა უნდა, ეს ყველაფერი უნდა უკავშირდებოდეს ადამიანურ შეცდომებს. მათ შორის, რომ საუბარია სამსახურის გაუქმებაზე, რაც არის არასწორი. არავითარი სამსახურის გაუქმება არ მომხდარა, მოხდა კონკრეტული სამსახურის გაყოფა", - განაცხადა ირაკლი კობახიძემ.

"მმართველმა პარტიამ ძირი გამოუთხარა მთავრობის ანგარიშვალდებულებას" – ასე აფასებს ამერიკის შეერთებული შტატების საელჩო საქართველოში „ქართული ოცნების“ მიერ ინსპექტორის სამსახურის გაუქმებას.

სხვა სიახლეები:

🔵 "მე ყოფილი მოთამაშე ვარ, იქნებ ამ პოსტით ერთ ადამიანს მაინც დავეხმარო" - თევდორე გოგოლაძის ემოციური პოსტი

🔵 "დღეისთვის "ომიკრონის" 148 ლაბორატორიული შემთხვევაა დადასტურებული" - თამარ გაბუნია

🔵 გასულ კვირას მმართველმა პარტიამ ძირი გამოუთხარა მთავრობის ანგარიშვალდებულებას - აშშ-ს საელჩო საქართველოში