"დღეისთვის "ომიკრონის" 148 ლაბორატორიული შემთხვევაა დადასტურებული" - თამარ გაბუნია

ჯანდაცვის მინისტრის მოადგილის, თამარ გაბუნიას განცხადებით მოსალოდნელია „ომიკრონის“ შემთხვევების მატება, ხოლო დღეისთვის 148 ლაბორატორიული შემთხვევაა დადასტურებული.

მინისტრის თქმით, ჰოსპიტალური სექტორი დატვირთული არ არის და საწოლების 50%-ი თითქმის თავისუფალია.

"საახალწლო დღეებთან დაკავშირებით ტესტირების რაოდენობა შედარებით ნაკლები იყო. აქედან გამომდინარე დაგროვდა ის შემთხვევები, რომელიც გამოუვლენელი დარჩა და დღეს 3000-ზე მეტი შემთხვევა დაფიქსირდა.

ბოლო 7 დღის განმავლობაში საშუალო მაჩვენებელი 2000 შემთხვევა არის, რაც შედარებით ნაკლებია, ვიდრე წინა კვირებში.

რა თქმა უნდა, საკმაოდ საყურადღებო მაჩვენებელია.

ამას კიდევ უფრო საყურადღებოს ხდის ის გარემოება, რომ მოსალოდნელია „ომიკრონის“ შემთხვევების მატება.

დღეისთვის დადასტურებულია 148 ლაბორატორიული შემთხვევა, თუმცა სხვა ქვეყნების გამოცდილება მიუთითებს იმაზე, რომ ომიკრონის გავრცელების სისწრაფე უფრო მაღალია, ვიდრე დელტა შტამის, თუმცა კლინიკურად მძიმე მიმდინარეობა, დღევანდელი ვითარებით, არ ახასიათებს.

დღეისთვის მაღალი დატვირთვა არ არის.

საწოლების 50% თითქმის თავისუფალია.

აქედან გამომდინარე, თუ საჭირო გახდება დამატებითი ნაკადის მართვა, ბუნებრივია, ჰოსპიტალურ სექტორს ამის შესაძლებლობა აქვს", -  განაცხადა თამარ გაბუნიამ.

 სხვა სიახლეები:

🔳 აქ უკვე ათი ათასი კაცის სიკვდილს წინასწარმეტყველებენ - ნატო დუმბაძე „ომიკრონის“ შტამზე

🔳 „შენს მერვე დაბადების დღეს ვეღარ მოესწარი დედი ...“ - 7 წლის ბარბარე მძიმე სენთან ბრძოლაში დამარცხდა

🔳 "მე ყოფილი მოთამაშე ვარ, იქნებ ამ პოსტით ერთ ადამიანს მაინც დავეხმარო" - თევდორე გოგოლაძის ემოციური პოსტი