"აბა რა ეგონა უკრაინას, რუსეთს რომ შეებრძოლა?!" - რას წერს მამა პეტრე კვარაცხელია

მამა პეტრე კოლხი (კვარაცხელია) უკრაინაში რუსულ სამხედრო ინტერვენციას სოციალურ ქსელში ეხმაურება:

"აბა რა ეგონა უკრაინას, რუსეთს რომ შეებრძოლა?!”

"რით ვერ გაიგეს, რომ რუსეთთან თამაში არავის გაუვა”?!

"ახლა მაინც დაინახონ, რომ რუსეთი დაუმარცხებელი ქვეყანაა"- აი, ამ სიტყვებით მღაღადებელი ხალხი რუსეთზე უარესი და ტვინგამორეცხილია…

აი, ამ სიტყვებით უწევენ რუსულ უსამართლო და დაუსრულებელ ომს პროპაგანდას…

პუტინზე მეტად ეს ხალხი მანადგურებს.

უკრაინა გადარჩება, კი, ის აუცილებლად უნდა გადარჩეს, არა მხოლოდ ტერიტორიული მთლიანობის გამო, პირველ რიგში იმიტომ, რომ დაილეწოს რუსეთის უძლეველობის მითი…

არ მგონია თქვენი ჩაჟანგული მენტალობა შეიცვალოს, მაგრამ თაობის შეცვლის მერე არავინ იტყვის მსგავს სისულელეს…

მანამდე ყველა თქვენგანში არის საბჭოთა სისტემის დიდება…

ამის რღვევა კი, გარდაუვალია!..", - წერს მამა პეტრე.

ბოლო მონაცემებით, უკრაინის დედაქალაქში პერიოდულად ისმის სირენების ხმა, თუმცა როგორც უკრაინის სამხედრო ძალები აცხადებენ კიევში სიტუაცია “კონტროლს ქვეშაა”, მეტროს მოქალაქეები თავშესაფრად იყენებენ.

უკრაინის შინაგან საქმეთა სამინისტროს ცნობით, რუსეთის შეჭრას უკრაინაში ამ დრომდე, სულ მცირე, 352 სამოქალაქო პირი ემსხვერპლა, მათ შორის, 14 ბავშვია.

სხვა სიახლეები:

⬛ რამზან კადიროვი დასავლეთს "მკაცრი სანქციებით" ემუქრება და ვადას 31 თებერვლამდე აძლევს

⬛ "2022 წლის 28 თებერვალი იქნება რუსეთის დასასრულის დასაწყისის თარიღი. დაიმახსოვრეთ" - გიორგი ფხაკაძე

⬛ “იტალია სრულად იზიარებს სანქციების პაკეტს! რუსეთი არის საფრთხე!” - მარიო დრაგი

⬛ ზელენსკი: მქონდა სატელეფონო საუბარი ურსულა ფონ დერ ლაიენთან და ვისაუბრეთ ევროკავშირში უკრაინის წევრობის შესახებ

⬛ ვებგვერდი, რომელიც დაღუპული ჯარისკაცების ამოსაცნობად შექმნა უკრაინამ, რუსეთმა დაბლოკა

⬛ რუსეთის შეჭრას უკრაინაში ამ დრომდე 352 მშვიდობიანი მოქალაქე და 14 ბავშვი ემსხვერპლა