"ჩემთვის, თავისუფლება ინფორმაციის ხელმისაწვდომობას უკავშირდება მაინც... მიკიმაუსი ამიტომ მიყვარს - საბჭოთა ბავშვობის ტრავმაა!"

"ტაბულას" დამფუძნებელი თამარ ჩერგოლეიშვილი, სოციალურ ქსელში ფაშიზმზე გამარჯვების დღეს ეხმაურება.

"ამერიკა" როგორც კმაყოფილების შეძახილი, ამერიკული მანქანები, ამერიკული მუსიკა, ამერიკული ლიტერატურა...

ეს ყველაფერი დაბადებიდან მახსოვს, დაბადებიდან ვიცოდი რომ სამყარო შავ-თეთრია, სწორი და არასწორი არსებობს და სადღაც არის თავისუფალი, სწორი ქვეყანა.

მაგრამ პირადი სიმწარე 1978-1979 წელს მივიღე.

თსუს კინოდარბაზში ვიწრო წრისთვის დისნეის ფილმებს აჩვენებდნენ და მამაჩემმა წამიყვანა.

მახსოვს ერთი საათი, რომელიც 5 წამში გავიდა.

მიკიმაუსის, დონალდ დაკის საოცარი, ჭრელი სამყარო.

ისიც მახსოვს რომ დამთავრდა რამხელა უსამართლობის გრძნობამ შემიპყრო.

3-4 წლის ვიქნებოდი და გაგიჟებული ვიდექი თსუ-ს კინოდარბაზში რომელიც უზარმაზარი მეგონა!

ვიცოდი რომ რაღაც დამთავრდა, რასაც იოლად ვეღარ ვნახავ...

მერე მახსოვს ადრეული თინეიჯერობა და ბაბინებიანი ვიდეომაგნიტოფონი, სადაც მამაჩემმა ჩაწერილი მულტფილმები მანახვა (გადავირიე ინფორმაციის შენახვის ამ ფორმაზე)

ჩემთვის, თავისუფლება ინფორმაციის ხელმისაწვდომობას უკავშირდება მაინც...

მიკიმაუსი ამიტომ მიყვარს - საბჭოთა ბავშვობის ტრავმაა!", - წერს ჩერგოლეიშვილი.

ასევე დაგაინტერესებთ:

* კარლ ჰარცელი: ველოდებით მთავრობის მხრიდან კითხვარის მეორე ნაწილზე პასუხებს, ჩემი ვარაუდით, შემდეგ თვეში ვიხილავთ,  პირველ გადაწყვეტილებებს

* "არავინ დაივიწყოს მეორე მსოფლიო ომის გაკვეთილები, ისე, რომ მსოფლიოში არ იყოს ადგილი ჯალათებისთვის, დამსჯელებისთვის და ნაცისტებისთვის" - პუტინი 9 მაისის აღლუმზე