"დიდი ძებნის შემდეგ ორივე ვიპოვე, მაგრამ დავაგვიანე" - აფხაზეთის ომის უცნობი გმირები

სოხუმის დაცემიდან 29 წელი გავიდა. ადამიანები დღემდე ეძებენ ახლობლებს, ნათესავებს და უბრალოდ ადამიანებს, რომლებიც მათ გონებაში გმირად აღიბეჭდა და მეხსიერებას, როგორც მხსნელი დარჩა...

სოციალურ ქსელში ემოციური პოსტი ვრცელდება, რომელსაც უცვლელად გთავაზობთ:

"არის! არის! არის!

მაინც ვიპოვე!

დიდი ძებნის შემდეგ ორივე ვიპოვე.

ფოტო საკენშია გადაღებული.

მეომარი, რომელსაც ერთი წლის გოგო სვანეთზე გადმოჰყავს სულხან წურწუმიაა.

სამწუხაროდ, ბატონი სულხანი ორი წლის უკან გარდაიცვალა, იანვრის თვეში.

დავაგვიანე.

უკეთილშობილესი, ნამდვილი მეომარი და ადამიანთ მოყვარული.

ბავშვი სოხუმელი ნინი ჯალიაშვილია, რომელიც ზუსტად ამ დღეს, 27 სექტემბერს ერთი წლის შესრულდა.

27 სექტემბერს 30 წლის გახდება.

ომის დამთავრების შემდეგ ოჯახი ამერიკაში წავიდა.

იქ ცხოვრობს.

ძალიან ბედნიერი ვარ.

გოგა შარაშენიძე, გმადლობთ ამ ფოტოსთვის.

შენ ისტორიის დიდი ემოცია ჩადე ამ ფოტოში ყველას მადლობა ვინც გამომეხმაურა, დამეხმარა.

და ბოლოს მაინც მადლობა ჩემ თავსაც, რომელიც მიზნის მიღწევამდე არასოდეს ჩერდება.

ვიცი, ბევრს, ცრემლს მოგგვრით ეს პოსტი...

ყველა აცრემლებული ადამიანი მიყვარხართ!", - წერს თამრიკო მოლაშვილი.

ასევე დაგაინტერესებთ:

* "აფხაზეთი დავკარგეთ იმიტომ, რომ შიგნით გავაჩაღეთ სამოქალაქო ომი - ვისაც ვაწყენინე ბოდიშს ვუხდი, მაგრამ ესაა სიმართლე"

* „წლები გავიდა და მაინც არ გახუნდა კადრი, ტრაქტორის ძარაზე შემოსმული 95 წლის დიდი ბებიასი“ - ნანა გეგეჭკორი ემოციურ პოსტს აქვეყნებს