"მე ანტისახელმწიფოებრივი და ანტიეროვნული ვარ, ნეტა მართლა შემეძლოს ამ ქვეყნის დაკიდება" - მარიამ საჯაია

"ნაციონალური მოძრაობის" ყოფილი წევრი მარიამ საჯაია, სოციალურ ქსელში წერს:

"ჰო, მე ანტისახელმწიფოებრივი და ანტიეროვნული ვარ.

ჰო, პირადად ვიღებ.

ანტისახემწიფოებრივი… ანტიეროვნული…

ნეტა მართლა შემეძლოს ამ ქვეყნის დაკიდება.

ნეტა იმაზე არ მიწევდეს ფიქრი, რომ იარაღის ხმარების ცოდნის და ქონის აუცილებლობა მიდგას ბავშვიან ქალს თავდაცვისთვის.

ნეტა იმაზე არ მიხდებოდეს ფიქრი “ჩავბარდებით თუ ვიბრძოლებთ”.

ნეტა არც ის მქონდეს სადარდებელი თუ ვიბრძვით, პირველივე პრობლემაზე ერთმანეთს დავერევით და დანას გავუყრით თუ არა ზურგში.

ნეტა ის მაინც ვიცოდე, თუ ყველა ჰბარდება (და მე არ ვბარდები, მკიდია, არ ვბარდები და მორჩა!) მერე რისი შანსი მრჩება საერთოდ.

ნეტა თავის შეკვლა რას მომიტანს, ქვეყანას რას მოუტანს და ჩემს შვილს რას მოუტანს .

ნეტა შემეძლოს ჰო ამ ქვეყნის დაკიდება და ამ ყველა “ნეტას” ძალიან მარტივი და უბრალო საზღვრის კვეთით დავუსვამდი წერტილს.

ხო შევძლებდი ახლა, ნებისმიერ წამს ამეკრა ბარგბარხანა, გულდასმით და საფუძვლიანად. ისე არა, რა წამს ვინ შემომივარდება და "ერთი ჩანთის შეკვრა მაინც შევძლო ნეტა”.

ვიცი, არ გამიჭირდება არც არსად ფეხის მოკიდება, არც შრომა დამეზარება, არც ჭერი დამაკლდება და არც პური.

არც საქართველოს დავიკლებ სადაც არ უნდა წავიდე, ყველგან შევძლებ პატარა საქართველოს მოწყობას ერთი აბგა ქართული მცენარეების თესლებით.

ჰო და ისიც ვიცი, რომ აქ რამდენსაც ვშრომობ, რამდენი დაბრკოლებაც მხვდება, რამდენი ძალ-ღონე და ნებაც მჭირდება რამისთვის, ეგ სხვაგან ბევრად სხვანაირად იქნებოდა.

ჰოდა მაინც აქ ვარ მე ანტისახელმწიფოებრივი და ანტიეროვნული, მაინც აქ მინდა სიკეთის გაზიარება, მაინც აქ მირჩევნია “მირტყან” და მე ჩემს გზაზე ვიარო, მე ანტისახელმწიფოებრივმა და ანტიეროვნულმა.

და რამდენი “ნეტაც” და გაურკვევლობაც არ უნდა იყოს, სანამ ოდნავ მაინც მექნება ნაპერწკალი აქ შევიგრძნო მცირედი თავისუფლების სინათლე და ღირსეული ცხოვრების შესაძლებლობა, აქ ვრჩები მე ანტისახელმწიფოებრივი და ანტიეროვნული", - წერს მარიამ საჯაია.

სხვა სიახლეები:

🔵 უკრაინიდან, ასობით გაქცეული ტრანსგენდერი საზღვრიდან მოაბრუნეს

🔵 "კადიროვმა უკრაინის ომში ახალი საზარბაზნე ხორცი გააგზავნა" - რადას ყოფილი დეპუტატი (ფოტოკოლაჟი)

🔵 სააკაშვილი: რუსეთი უკრაინასთან ომს აგებს, რადგან რესურსებისგან იცლება - შესაძლებლობების ფანჯარა ახლა ჩვენთვისაც ღიაა და ამ მიზნებს ჩვენც უნდა მივაღწიოთ!