საქართველოს "ჩამოსაგდები" პრემიერმინისტრი და დასასანქცირებელი ბიძინა ივანიშვილი რეებს კადრულობენ?! - რას წერს ხათუნა ხოფერია?

ყოფილი პარლამენტარი, ხათუნა ხოფერია, ფეისბუკზე წერს:

"საფრანგეთში ევროკავშირიდან გასვლის პროცესი დაიწყო!

ბრიტანეთში ორი მინისტრი გადადგა თანამდებობიდან და აქტიურ ფაზაში შევიდა ბორის ჯონსონის იმპიჩმენტის საკითხი.

ამერიკაში ინფლაციაა, საწვავის ფასები არნახულად იზრდება.

გერმანიასა და ესპანეთში საპროტესტო აქციებია სოციალურ და ეკონომიკურ ფაქტორებთან დაკავშირებით.

უკრაინაში ომია! ზელენსკი დაკარგული ქალაქების დაბრუნებას ჰპირდება მსოფლიოს თუ ბევრ იარაღს მიაწვდიან. მსოფლიო კი უკრაინული ხორბლის გამო ჭიდაობს. თურქეთი აჯობებს თუ ბრიტანეთი?...  ვინ ჩაიგდებს ხელში ათობით მილიონ ტონა ხორბალს?!(არა და, ამბობენ, სულ 2 მილიონი ტონაც არ არის დარჩენილიო). იქით პოლონეთი აცხადებს პრეტენზიებს... პოლონეთი ხომ საერთოდ, თვლის, რომ უკრაინული ხორბალი მისია... ისევე როგორც უკრაინა.

საბერძნეთზე, ლიეტუვასა და დანარჩენ ევროსიამაყეებზე არარაფერს ვიტყვი...  მათ ისღა დარჩენიათ, რომ საკუთარ პრეზიდენტებსა და პრემიერებს მოუსმინონ და საწვავისა და ელექტროენერგიის ეკონომიაზე იზრუნონ. როგორ?  უბრალოდ, უფრო იშვიათად იბანაონ(!).. ან სულაც ფრაგმენტულად დაიბანონ უხერხული ადგილები! დიახ, უნდა დაუჯერონ ხელისუფლებას, რომელიც კრიზისიდან გამოსვლის გზას სისუფთავეზე გაკეთებულ ეკონომიაში ხედავს!

ეს ისე, მოკლედ...  ნუ, რაც გამახსენდა!

და ამ ფონზე, ეს  საქართველოს "ჩამოსაგდები"პრემიერმინისტრი და დასასანქცირებელი ბიძინა ივანიშვილი რეებს კადრულობენ?! 

1. აბასთუმნის რეაბილიტაცია- 1 მილიარდი 

2. წყალტუბოს უმაღლესი სტანდარტით მშენებლობა-1, 2 მილიარდი ევრო!

3. ქუთაისის ადრონული თერაპიის ცენტრის მშენებლობა- 1 მილიარდი...

რა არის, ახლა, ეს?.. რას გავს თქვენი საქციელი?!

არა და, 78 მილიონ აძლევდა ევროპა სესხად საქართველოს და უარი თქვეს უმადურებმა...  მეორე ფრონტი არ გახსნეს მშიშრებმა... ქართველები არ აქციეს საზარბაზნე ხორცად ვითომ პატრიოტებმა...  თანამდებობები არ დატოვეს გაუმაძღრებმა... 
P.S.

ბიძაჩემმა იცოდა თქმა: - ვისაც ჩვენი არეულ-დარეული გაეხარდეს, იმის დალაგებულს  შევე...ცილეო! 

ჰო და, იმათი დალაგებული ამ ტექსტის დასაწყისში დავწერე. ნუ, რაც გამახსენდა ის!",-წერს, ხათუნა ხოფერია.