„ბრავო, "ოცნება" გასაგებია, რომ ომში არ უნდა შევვარდეთ, ერთ ლუკმად არ ვეყოფით, მაგრამ ასე ჩირგვებში ჯდომა სირცხვილია“ - ექიმი ქეთი ლობჟანიძე

„ბრავო, "ოცნება", ძალიან ბრავო! გასაგებია, რომ ომში არ უნდა შევვარდეთ, ერთ ლუკმად არ ვეყოფით, მაგრამ ასე ჩირგვებში ჯდომა სირცხვილია, როცა მეგობარი ქვეყანა ომის ცეცხლშია გახვეული და სულს ღაფავს!“- წერს საფრანგეთში მცხოვრები ქართველი ექიმი ქეთი ლობჟანიძე სოციალურ ქსელში.

„მთელი დღე ველოდი, როდის შეიკრიბებოდა მთავრობა, როგორც სხვა ცივილიზებულ ქვეყნებში ხდება და იმსჯელებდა მოსალოდნელ საფრთხეებზე, მერე გამოვიდოდა ჟურნალისტებთან ბრიფინგისთვის და ერთიანი ძალით გამოუცხადებდა მხარდაჭერას უკრაინას, მაგრამ არა!

კიდევ კარგი, სალომეს გამოსვლამ და ნაცების ორგანიზებულმა პროტესტმა მოგვწმინდა სირცხვილი, თორემ გამისკდებოდა გული, იუშენკო პირველი ჩამოვიდა თბილისში 2008-ში!

ამ ევროპა-ამერიკისაც კიდევ! რაც მშვიდობიან მოსახლეობას დაარტყა და ეს ომი მოკლე არ აღმოჩნდა, რის მოლოდინიც ჰქონდათ, სანქციებზე საუბარი უკვე დიდი სირცხვილია და ამაზეც კი ვაჭრობენ, გერმანია-იტალიამ, სვიფტს არ შეეხოთო! სერბეთი არ დაინდეს, როცა პოლიტიკურად აწყობდათ!

ზოგმა ისიც კი გაბედა, რომ დამძიმდება სიტუაცია, მიგრანტების ტალღა მოაწვება ევროპასო!

ამ ბედოვლათებმა ჯიჰადისტები შემოუშვეს უკონტროლოდ, უკრაინელები რას დაუშავებენ?!

მეტიც, ფიანდაზები უნდა დაუგონ მათ! დღეს უკრაინა მარტო იცავს უსამართლო და სასტიკ ომში ევროპასაც და საქართველოსაც!

კიდევ კარგი, პრეზიდენტში გაუმართლა, გამძლეობა მას და მის ერს!“, - წერს ფეისბუკის საკუთარ გვერდზე ქეთი ლობჟანიძე.

ასევე საინტერესოა:

🔵 „44 წლის პრეზიდენტი ომშია. 44 მილიონიანი ქვეყნის 300 000 ათასამდე სამხედრო მსოფლიოს  1 მტერს ებრძვის“ - ქეთი ქარდავა

🔵 „ჩვენ დავრჩით მარტო საკუთარი სახელმწიფოს დაცვაში“ - ვოლოდიმირ ზელენსკი