ევროპას რაკეტებზე და ტანკებზე მეტი ძალა აქვს - უკრაინის პრეზიდენტი გერმანიის მთავრობას და გერმანელ ხალხს მიმართავს

უკრაინის პრეზიდენტმა გერმანიის მოქალაქეებს მოუწოდა შეწყვიტონ ყველანაირი ეკონომიკური ურთიერთობა რუსეთთან, რათა რუსეთმა ვეღარ შეძლოს  უკრაინასთან ომის გაგრძელება. 

„არ დააფინანსოთ რუსეთის სამხედრო მანქანები, არც ერთი ევრო ოკუპანტებისთვის, დახურეთ თქვენი ყველა პორტი, არ მიაწოდოთ მათ საქონელი, უარი თქვით რუსეთის ენერგორესურსებზე, აიძულეთ რუსეთი დატოვოს უკრაინა“, - განაცხადა პრეზიდენტმა ვიდეომიმართვაში. 

მისი თქმით, იმ დროს, როცა გერმანია რუსეთთან  ბუნებრივი აირის მიწოდებაზე,მოლაპარაკებებს აწარმოებდა „ჩვენ გავაფრთხილეთ თქვენი პოლიტიკოსები, რომ ეს საშიში იყო. „ჩვენ ვთქვით, რომ  ამ ომის თავიდან ასაცილებლად სანქციები იყო საჭირო. 

გერმანელებო! თქვენ გაქვთ ძალა. ევროპას რაკეტებზე და ტანკებზე მეტი ძალა აქვს. თქვენს ბანკებთან და კომპანიებთან ვაჭრობის გარეშე, რუსეთს არ ექნება სახსრები ამ ომისთვის", - თქვა ზელენსკიმ. 

ზელენსკიმ აღნიშნა, რომ რუსეთს სურს უკრაინაზე შორს წასვლა,"მათ ყველგან უნდათ წასვლა, თქვენთან უნდათ მოსვლა!“ - თქვა მან.  

„მჯერა, რომ მშვიდობა შესაძლებელია, მაგრამ თქვენ უნდა იმოქმედოთ იმისათვის, რომ მიაღწიოთ მშვიდობას. ”ისე, რომ ჩვენს გზებზე გადაადგილება კვლავ ისეთივე უსაფრთხო იყოს, როგორც თქვენთან”, - განაცხადა უკრაინის პრეზიდენტმა.

ასევე საინტერესოა

🔷ვინ არის ქალი, რომელმაც ბავშვთა სახლის 30 აღსაზრდელი გადაარჩინა?

🔷„ომის 26-ე დღეა და უკრაინელები ისევ კბილებით იცავენ ყველა პოზიციას და უფრო ხშირად გადადიან კონტრშეტევაზე“ - თინათინ რუხაძის მიმოხილვა

🔷დიდი სირთულეების შემდეგ, საბერძნეთის კონსულმა მარიუპოლში, სამშობლოში დაბრუნება შეძლო