პუტინი ბრძოლის ტაქტიკას ცვლის?

The Wall Street Journal-ი ამერიკელ მაღალჩინოსნებზე  დაყრდნობით წერს, რომ კრემლი ცვლის უკრაინაში შეჭრის ტაქტიკას.

მანამდე, აშშ და მისი მოკავშირეები, დაზვერვის ინფორმაციაზე დაყრდნობით, აცხადებდნენ რომ პუტინის მთავარი მიზანი კიევის აღება და  ზელენსკის მთავრობის პრორუსული რეჟიმით ჩანაცვლება იყო.

თუმცა, ვინაიდან, ომიდან სამ კვირაზე მეტი გავიდა და

ეს მიზნები ვერ შესრულდა,  პუტინი იძულებულია ტაქტიკა შეცვალოს, წერს - WSJ.

ახალი გეგმით, რუსეთი შეეცდება აიძულოს კიევი, დათმოს უკრაინის სამხრეთ და აღმოსავლეთ ტერიტორიები. მათ შორის, ქალაქი მარიუპოლი. 

რუსეთის მიზანია, დააკავშიროს ერთმანეთთან 2014 წელს მიტაცებული ყირიმის ნახევარკუნძული და  დონეცკი და ამით გააძლიეროს რუსული კონტროლი დონბასზე.

თუკი უკრაინა ამ პირობებს და ასევე ნეოტრალიტეტს არ დათანხმდება, რუსეთი შეეცდება კონტროლი შეინარჩუნოს უკვე დაკავებულ ტერიტორიებზე 

და განაგრძოს ომი, აცხადებენ ამერიკელი ოფიციალური პირები.

"ჩვენი სამხედრო შეფასებებიდან გამომდინარე, როგორც ჩანს, ის [პუტინი] უბრუნდება ალყის ტაქტიკას", - ამბობს აშშ-ს ადმინისტრაციის წარმომადგენელი.

თუკი, რუსი სამხედროების ქმედებები წარმატებული იქნება, მერე უკვე კიევი დადგება დღის წესრიგში. 

„უკრაინის ძლიერი წინააღმდეგობის გათვალისწინებით, კიევის სტატუსი ღია საკითხად რჩება. გაურკვეველია, შეუძლია თუ არა კრემლს შეკრიბოს საკმარისი ჯარი, რათა მჭიდროდ შემოარტყას ალყა კიევს და დაიკავოს იგი“, - თქვა გაზეთის წყარომ.

წყარო:ჯემნიუსი

ასევე დაგაინტერე­­­­სებთ:

🔵სახლში  7 ობოლი დარჩა. ერთ პატარა ოთახში ცხოვრობენ დარდისგან განახევრებულ დედასთან ერთად - აკა სინჯიკაშვილი საზოგადოებას დახმარებას სთხოვს

🔵ბოლო ჯარისკაცამდე ვიბრძოლებთ - მარიუპოლის ადგილობრივი მთავრობა

🔵ჯო ბაიდენი პარასკევს პოლონეთში ჩავა