სანქციების გამო სერგეი ლავროვი ჟენევაში - გაეროს სხდომაზე დასასწრებად, ვერ გაემგზავრება

რუსეთის ფედერაციის საგარეო საქმეთა მინისტრმა სერგეი ლავროვმა უარი თქვა, შეესრულებინა რუსეთისთვის დაწესებული ახალი სანქციების მოთხოვნები, რის გამოც ის ვერ შეძლებს გაეროს ადამიანის უფლებების საბჭოს სხდომაზე დასწრებას ჟენევაში. 

ამის შესახებ რუსეთის ტელეარხმა „როსია-1-მა“, საგარეო საქმეთა სამინისტროს ოფიციალურ წარმომადგენელზე, მარია ზახაროვაზე დაყრდნობით გაავრცელა.

ლავროვი ჟენევაში რუსეთის ფედერაციის თვითმფრინავით გამგზავრებას აპირებდა, თუმცა რუსული თვითმფრინავებისთვის რამდენიმე ქვეყნის ცა უკვე რამდენიმე დღეა დაკეტილია.

ევროკავშირმა რუსეთის ფედერაციას საჰაერო სივრცე 27 თებერვალს ჩაუკეტა - ეს ეხება როგორც რეგულარულ, ისე ჩარტერულ რეისებს. 

რუსეთი უკრაინაში 24 თებერვალს შეიჭრა და ფართომასშტაბიან ომს ატარებს.

ბოლო მონაცემებით, უკრაინის დედაქალაქში პერიოდულად ისმის სირენების ხმა, თუმცა როგორც უკრაინის სამხედრო ძალები აცხადებენ კიევში სიტუაცია “კონტროლს ქვეშაა”, მეტროს მოქალაქეები თავშესაფრად იყენებენ.

უკრაინის შინაგან საქმეთა სამინისტროს ცნობით, რუსეთის შეჭრას უკრაინაში ამ დრომდე, სულ მცირე, 352 სამოქალაქო პირი ემსხვერპლა, მათ შორის, 14 ბავშვია.

სხვა სიახლეები:

🔲 "მესამე მსოფლიო ომი შეიძლება შეჩერდეს ფაქტობრივად მის ზღურბლზე. ატომური აპოკალიფსის გარეშე" - რა იწინასწარმეტყველა გერმანელმა ჯადოქარმა 1953 წელს?

🔲 "დატოვეთ თქვენი ტექნიკა და წადით. არ დაუჯეროთ თქვენს უფროსობას" - ზელენსკის მიმართვა რუს ოკუპანტებს

🔲 The Times: უკრაინაში რუსული დაჯგუფება "ვაგნერი" იმყოფება, რომელსაც ქვეყნის მმართველი რგოლიდან 23 ადამიანის ლიკვიდაცია აქვს ნაბრძანები, მათ შორის ვოლოდიმირ ზელენსკის

🔲 ბორის ჯონსონი: პუტინი უნდა დამარცხდეს

🔲 80-ზე მეტი უკრაინელი მესაზღვრე, რომლებიც ზმეინის კუნძულს იცავდნენ, ცოცხალია, მაგრამ ტყვეობაში არიან