ზურაბ გურული: პუტინი შეურაცხადია მსოფლიო უკვე დარწმუნდა, რომ შეშლილის იმპერია უნდა დასრულდეს

აშშ-ში მცხოვრები ქართველი ექიმი, უკრაინაში რუსეთის შეჭრას ეხმაურება და წერს, რომ სწორედ კიევში წყდება საქართველოს მომავალი.

"როგორც ჩანს პუტინი უბრალოდ შეიშალა; შეურაცხადია.

ეს იყო დაშვება, რომელიც არავის სურდა რომ გაეკეთებინა მსოფლიოში, გასაგები მიზეზების გამო.

არავინ არის დარწმუნებული ზუსტად რა სვლა უნდა გაკეთდეს ახლა.

მოვლენების პრევენცია უკვე შეუძლებელია. უცნაურია, მაგრამ ბედისწერა ეტყობა კიევში აპირებს კიევში დაწყებულის დასრულებას.

ვეღარავინ დარჩება გულგრილი ამ ომის მიმართ;

მსოფლიოს ფინანსური სტაბილურობა უმძლავრესად შეირყა;

ამას ყველა იგრძნობს ამერიკაშიც და ევროპაშიც;

საკუთარ ჯიბეზე იგრძნობს.

ვინაიდან პრევენცია დაგვიანებულია, ახლა უკვე სიფრთხილეა საჭირო შეშლილთან.

იმედია, უკვე დაწყებულია ერთგვარი რუსული ოპერაცია "ვალკირია", რადგან რუსები ყველაზე კარგად უნდა აცნობიერებდნენ, რა მოელის მათ სახელმწიფოს.

უკრაინელი ჯარისკაცების და უკრაინელი ხალხის გმირობასა და გამძლეობაზე ჰკიდია დღეს მსოფლიოს მომავლის ბედი.

პასუხისმგებლობა დაეკისრა ამ კეთილშობილ ერს.

გაერთიანებული და აღდგენილი საქართველოს მომავალიც უკრაინაში წყდება დღეს და ეს უნდა ახსოვდეს ყველა ქართველ პატრიოტს, მიუხედავად პოლიტიკური კუთვნილებისა და სიმპათიებისა.

მსოფლიო უკვე დარწმუნდა, რომ შეშლილის იმპერია უნდა დასრულდეს.

როგორც ჩანს, საქართველოს მართლა წყალობს განგება.

ჩვენი ბედი პირდაპირ არის მიბმული მიმდინარე მოვლენებზე და დღევანდელი მსოფლიო უკვე სხვა ჭრილში განიხილავს ჩვენს მომავალსაც.

ეს უკრაინელთა სიჯიუტის და გმირობის დამსახურებაა.

დიდი მადლობა უკრაინა!

მსოფლიო ვალშია შენს წინაშე;

სისხლის ვალში.

შენ გაიმარჯვებ!", - წერს გურული.

რუსეთის პრეზიდენტმა ვლადიმერ პუტინმა დონბასში „სპეციალური სამხედრო ოპერაციის“ ჩატარების გადაწყვეტილება მაინც მიიღო. 24 თებერვალს გამთენიისას, რუსეთი უკრაინაში შეიჭრა ომი დაიწყო და ფართომასშტაბიან ოპერაციას ატარებს. მოსკოვის აგრესია დაგმეს დასავლეთში და ახალი სანქციები დაუწესეს რუსეთს. ვოლოდიმირ ზელენსკიმ უკრაინაში საომარი მდგომარეობა გამოაცხადა. კიევში დღეიდან "კომენდანტის საათია" დაწესებული.

ამავე თემაზე:

🔲 "პუტინი აგრესორია, ახლა კი შედეგებს მიიღებენ" - ჯო ბაიდენი

🔲 ესპანეთის პრემიერი: რუსეთის მიერ უკრაინაში შეჭრა დაუსჯელი არ უნდა დარჩეს

🔲 "ახლა ვიცით, რომ რუსეთი ნამდვილად აგრესორია და მას შენი ქვეყანაც ოკუპირებული აქვსო" - ნანა გეგეჭკორი ამერიკელ კოლეგებზე წერს

🔲 "რუსეთის სხვადასხვა ქალაქებში, უკრაინაში მიმდინარე ომის გასაპროტესტებლად აქციებზე გამოსული, ასეულობით ადამიანი დააკავეს"- უცხოური მედია