CNN: მეცნიერების მტკიცებით, მათ მიერ შექმნილ "ცოცხალ" რობოტებს გამრავლება შეუძლიათ

ამერიკელი მეცნიერები, რომლებმაც შექმნეს პირველი ცოცხალი რობოტები, ამბობენ, რომ სიცოცხლის ფორმებს, რომლებიც ცნობილია "ქსენობოტების"  სახელით, ახლა უკვე შეუძლიათ გამრავლება.

ე.წ. ცოცხალი რობოტები აფრიკული კლანჭებიანი ბაყაყის (Xenopus laevis) ღეროვანი უჯრედებისაგან შექმნეს, საიდანაც მიიღო მან სახელი. "ქსენობოტების" სიგანე მილიმეტრზე ნაკლებია (0,04 ინჩი).

მათივე ცნობით, ცოცხალ რობოტებს, ანუ "ქსენობოტებს" გამრავლება კი შეუძლიათ, თუმცა პროცესი ცხოველებისა და მცენარეების გამრავლების ფორმებისგან მკვეთრად განსხვავდება.

პაწაწინა ბურთები პირველად 2020 წელს იქნა წარმოდგენილი მას შემდეგ, რაც ექსპერიმენტებმა აჩვენა, რომ მათ შეეძლოთ მოძრაობა, ჯგუფურად მუშაობა და თვითგანკურნება.

ხელოვნური ინტელექტის დახმარებით, მკვლევარებმა შემდეგ გამოცადეს სხეულის მილიარდობით ფორმა, რათა ქსენობოტები უფრო ეფექტური გახადონ ამ ტიპის რეპლიკაციაში.

მათ აღმოაჩინეს, რომ მან შეძლო პეტრის ჭურჭელში პატარა ღეროვანი უჯრედების პოვნა, ასობით მათგანის შეგროვება პირის ღრუში და რამდენიმე დღის შემდეგ უჯრედების შეკვრა ახალ ქსენობოტებად იქცა.

მეცნიერები იმედოვნებენ, რომ რობოტებს სხვადასხვა დაავადების სამკურნალოდ, მათ შორის სიმსივნესთან საბრძოლველად და სიბერის დასამარცხებლად გამოიყენებენ.

მიუხედავად იმისა, რომ ბიოტექნოლოგიის თვითგამრავლების პერსპექტივამ შეიძლება გამოიწვიოს შეშფოთება, მკვლევარებმა განაცხადეს, რომ ისინი ბიოდეგრადირებადია და რეგულირდება ეთიკის ექსპერტების მიერ.

ასევე დაგაინტერესებთ:

🔲 უდანაშაულო მამაკაცი 42 წლიანი უკანონო პატიმრობის შემდეგ გაათავისუფლეს