"პეკინმა არ იცოდა რუსეთის გეგმები უკრაინაზე თავდასხმის შესახებ, უკრაინა სუვერენული სახელმწიფოა რომელსაც პატივი უნდა სცენ" - აშშ-ში ჩინეთის ელჩის სკანდალური ინტერვიუ

"ჩინეთი შეეცდებოდა თავიდან აეცილებინა რუსული თავდასხმა უკრაინაზე, რომ სცოდნოდა მოსკოვის გეგმების შესახებ. ამ ომს არ მოაქვს სარგებელი", - ამის შესახებ ჩინეთის ელჩმა შეერთებულ შტატებში ქინ განგმა Washington Post-ისთვის მიცემულ ინტერვიუში განაცხადა.

"პრეტენზიები იმის შესახებ, რომ ჩინეთმა იცოდა, დათანხმდა ან ჩუმად უჭერდა მხარს ამ ომს, არის სუფთა დეზინფორმაცია.

ყველა ეს პრეტენზია ემსახურება მხოლოდ ჩინეთზე ბრალის გადატანას და ტალახის სროლას", - აცხადებს ელჩი.

მან აღნიშნა, რომ ჩინეთი არის როგორც რუსეთის, ასევე უკრაინის უმსხვილესი სავაჭრო პარტნიორი, ასევე ნედლი ნავთობისა და ბუნებრივი აირის უდიდესი იმპორტიორი მსოფლიოში.

ელჩმა ასევე დასძინა, რომ რუსეთის შეჭრის დროს უკრაინაში ჩინეთის 6000-ზე მეტი მოქალაქე იმყოფებოდა.

"რუსეთსა და უკრაინას შორის კონფლიქტი არ არის კარგი ჩინეთისთვის.

ჩინეთს, რომ სცოდნოდა გარდაუვალი კრიზისის შესახებ, ჩვენ ყველაფერს გავაკეთებდით ამის თავიდან ასაცილებლად", - აცხადებს ქინ განგი.

ჩინელმა დიპლომატმა ასევე აღნიშნა, რომ ყველა ქვეყნის, მათ შორის უკრაინის სუვერენიტეტი და ტერიტორიული მთლიანობა უნდა იყოს დაცული.

"უკრაინასთან დაკავშირებით ჩინეთის პოზიცია ობიექტური და მიუკერძოებელია:

აუცილებელია სრულად დაიცვან გაეროს წესდების მიზნები და პრინციპები, ასევე პატივი სცენ ყველა ქვეყნის სუვერენიტეტსა და ტერიტორიულ მთლიანობას, მათ შორის უკრაინას", - განაცხადა ქინ განგმა.

მან ასევე მოუწოდა დანარჩენ მსოფლიოს, რომ არ დააკავშირონ ტაივანი და უკრაინა ერთმანეთთან.

"უკრაინა სუვერენული სახელმწიფოა, ტაივანი კი ჩინეთის ტერიტორიის განუყოფელი ნაწილი.

ტაივანის საკითხი ჩინეთის შიდა საქმეა", - განაცხადა ჩინეთის ელჩმა.

მან აღნიშნა, რომ ჩინეთი მხარს უჭერს მშვიდობას უკრაინაში და მზად არის გააკეთოს ყველაფერი, რაც მათ (ჩინეთის) ძალებშია.

სხვა სიახლეები:

🔵 რამზან კადიროვი, რომელიც ამტკიცებდა რომ უკრაინაში ჩავიდა, რეალურად იქ საერთოდ არ ყოფილა - Ukrainskaya Pravda

🔵 800 ანტისაზენიტო რაკეტა, 9000 ყუმბართმტყორცნი, ე.წ კამიკაძე დრონები - აშშ უკრაინას 800 მილიონი აშშ დოლარის სამხედრო დახმარებას გაუწევს