უკრაინული მედია: უკრაინის შეიარაღებული ძალების ყოფილი მთავარსარდალი, ვალერი ზალუჟნი პოლიტიკური ლიდერებისადმი ნდობის რეიტინგს სათავეში უდგას - ვოლოდიმირ ზელენსკი აღნიშნულ რეიტინგში მეექვსე პოზიციას იკავებს

უკრაინის შეიარაღებული ძალების ყოფილი მთავარსარდალი, ვალერი ზალუჟნი პოლიტიკური ლიდერებისადმი ნდობის რეიტინგს სათავეში უდგას. ინფორმაციას ამის შესახებ უკრაინული მედია ავრცელებს.

აღსანიშნავია, რომ უკრაინის პრეზიდენტი, ვოლოდიმირ ზელენსკი აღნიშნულ რეიტინგში მეექვსე პოზიციას იკავებს.

აღნიშნულ მონაცემებს სოციალური კვლევების ცენტრ SOCIS-ის მიერ 28 ივლისიდან 2 აგვისტომდე ჩატარებული სოციოლოგიური გამოკითხვის შედეგები მოწმობს.

კვლევის დეტალები:

ვალერი ზალუჟნი: სრულად ენდობა გამოკითხულთა 27.8%, უფრო ენდობა - 37.1%, უფრო არ ენდობა - 11.6%, ხოლო საერთოდ არ ენდობა - 18.1%.

პრეზიდენტი ვოლოდიმირ ზელენსკი მეექვსე ადგილზეა. მას სრულად ენდობა გამოკითხულთა 18%, უფრო ენდობა - 24.5%, უფრო არ ენდობა - 17%, ხოლო საერთოდ არ ენდობა - 37%.

რეიტინგში მეორე ადგილზეა თავდაცვის ყოფილი მინისტრი, მიხაილო ფედოროვი, ხოლო მესამეზე - უპილოტო სისტემების ძალების სარდალი რობერტ „მადიარი“ ბროვდი.

გამოკითხვაში მონაწილეობა 2000-მა რესპონდენტმა მიიღო. კვლევა 2026 წლის 28 ივლისიდან 2 აგვისტომდე პერიოდში ჩატარდა. გამოკითხვა არ ჩატარებულა დროებით ოკუპირებულ ყირიმში, ლუგანსკის ოლქში, ოკუპირებულ ტერიტორიებსა და იმ ზონებში, სადაც აქტიური საბრძოლო მოქმედებები მიმდინარეობს.

კვლევის სტატისტიკური ცდომილება +/- 2,6%-ს შეადგენს.