CESI-ს ბიზნესის განვითარებისა და გლობალური ბაზრების დირექტორი „მწვანე ენერგეტიკული დერეფნის“ პროექტზე: პროექტი მნიშვნელოვანია როგორც რეგიონისთვის, ისე მთელი ევროპისთვის

 „მიმაჩნია, რომ ეს პროექტი უკიდურესად მნიშვნელოვანია როგორც რეგიონისთვის, ისე მთელი ევროპისთვის“, - აცხადებს „მწვანე ენერგეტიკული დერეფნის“ პროექტთან დაკავშირებით საკონსულტაციო კომპანია CESI-ს ბიზნესის განვითარებისა და გლობალური ბაზრების დირექტორი ანდრეა მეოლა, რომელიც ბაქოში გამართულ „მწვანე ენერგეტიკული დერეფნის“ რიგით მე-12 მინისტერიალის მუშაობაში იღებდა მონაწილეობას.

მისივე განმარტებით, რეგიონს ეძლევა შესაძლებლობა გააფართოოს და დააჩქაროს განახლებადი ენერგეტიკის განვითარება.

„ეს ნიშნავს, რომ სარგებელს მიიღებს არა მხოლოდ კავკასია, არამედ ევროკავშირიც, რადგან, ერთი მხრივ, აღნიშნული ურთიერთდამაკავშირებელი ხაზი საშუალებას მოგვცემს ავითვისოთ განახლებადი ენერგიის ის მრავალი მასშტაბური პროექტი, რომელთა რეალიზაციაც კავკასიის რეგიონში იგეგმება. იმავდროულად, მოსალოდნელია ამ ელექტროენერგიის ევროპაში გადინება, რაც ხელს შეუწყობს ევროპის დეკარბონიზაციასა და იქ ელექტროენერგიის ტარიფების შემცირებას. ეს არის კლასიკური ყველასათვის მოგებიანი მდგომარეობა: რეგიონს ეძლევა შანსი, გააფართოოს და დააჩქაროს განახლებადი ენერგეტიკის განვითარება, ხოლო ევროპისთვის, რომელიც მიზნად ისახავს 2050 წლისთვის სრულ დეკარბონიზაციას მიაღწიოს, ამ ტიპის ინიციატივები სასიცოცხლოდ მნიშვნელოვანია პროცესის ტემპის შესანარჩუნებლად“, - ამბობს ანდრეა მეოლა.

აღსანიშნავია, რომ კომპანია CESI ახორციელებს შავი ზღვის წყალქვეშა კაბელის და მწვანე ენერგეტიკული დერეფნის პროექტის ტექნიკურ-ეკონომიკურ კვლევას