დავით მათიკაშვილი ჩინეთის ვიცე-პრეზიდენტის ვიზიტზე: აგენტურა საკუთარ მხარდამჭერებს ასეთ მნიშვნელოვან მოვლენებს უმალავს - ცდილობენ, ისეთი საკითხებით შეავსონ ეთერი, რომელიც არ არის საინტერესო საქართველოსთვის

მმართველი გუნდის დეპუტატი დავით მათიკაშვილი ჩინეთის ვიცე-პრეზიდენტის საქართველოში ვიზიტს და ვიზიტის საპასუხოდ, ოპოზიციის სრულ დუმილს ეხმაურება.

დავით მათიკაშვილი აღნიშნავს, რომ ოპოზიციური პარტიები საკუთარ მხარდამჭერებს, რომელთა რაოდენობაც მინიმუმზე დაბალია, უმალავენ ქვეყნისთვის მნიშვნელოვან ფაქტებს და ცდილობენ, ისეთი საკითხებით შეავსონ საკუთარი ეთერი, რომელიც პრაქტიკულად არ არის საინტერესო საქართველოსთვის.

„ჩვენთვის არის გასაკვირი არაა, რომ ქართული საგარეო პოლიტიკური წარმატება არ ახარებს აგენტურას და რადიკალებს. ჩინეთის სახალხო რესპუბლიკა - მსოფლიოში სიდიდით მეორე ეკონომიკა, სამხრეთ კავკასიაში მისი სტრატეგიული პარტნიორი საქართველო და უმაღლესი თანამდებობის პირი ვიცე-პრეზიდენტის ვიზიტი საქართველოში, ჩვენთვის, ჩვენი სახელმწიფოსთვის, მისი ეკონომიკური განვითარებისათვის, მისი საგარეო პოლიტიკური წარმატებისთვის არის ძალიან მნიშვნელოვანი მოვლენა და ეს მოვლენა, ბუნებრივია, არ მოსწონთ რადიკალებს, მათთვის მსგავსი ნაბიჯები, მსგავსი პროცესი, პირიქით დამაზიანებელია, ესენი საკუთარ მხარდამჭერებს, რომელთა რაოდენობაც არის მინიმუმზე დაბალი, უმალავენ პრაქტიკულად, შეიძლება ითქვას, ასეთ მოვლენებს - საქართველოსთვის და ჩვენი ქვეყნისთვის მნიშვნელოვან ფაქტებს და ცდილობენ, ისეთი საკითხებით შეავსონ საკუთარი ეთერი, რომელიც პრაქტიკულად არ არის საინტერესო საქართველოსთვის“, - აცხადებს დავით მათიკაშვილი.