დედაქალაქის ერთ-ერთ ქუჩას ვიქტორ სანეევის სახელი მიენიჭება

ავსტრალიაში მეოცე საუკუნის საქართველოს საუკეთესო სპორტსმენი ვიქტორ სანეევი, უკანასკნელ გზაზე ქართული ჰანგების -  „საქართველო ლამაზოს“ და „ზამთარიას“ ფონზე გააცილეს.

მძლეოსნობის ისტორიაში სანეევი ერთადერთი სპორტსმენია, რომელმაც სამჯერ შეძლო სამმხტომში ოქროს მედლის მოპოვება. მომდევნო ოლიმპიადა დაასრულა ვერცხლის მედლით. გარდა ამისა სანეევს მოგებული აქვს ათენის და რომის მსოფლიო ჩემპიონატები.

თბილისის საკრებულოს გადაწყვეტილებით, საქართველოს დედაქალაქის ერთ-ერთ ქუჩას ვიქტორ სანეევის სახელი მიენიჭება. 

ვიქტორ სანეევი დაიბადა და გაიზარდა სოხუმში.

1968 წელს გახდა საბჭოთა კავშირის ჩემპიონი სამმხტომში (ტიტული სპორტსმენმა კიდევ რვაჯერ მოიპოვა). იმავე წელს მექსიკის ზაფხულის ოლიმპიადაზე სანეევმა ორი მსოფლიოს რეკორდი დაამყარა და ასპარეზობა ოქროს მედლით დაასრულა.

სპორტსმენი ოლიმპიური ოქროს მფლობელი კიდევ ორჯერ გახდა, 1972 და 1976 წელს.

სანეევი არის ვახტანგ გორგასლის I და II ხარისხის ორდენების, ღირსების ორდენის და ბრწყინვალების საპრეზიდენტო ორდენის კავალერი.

ასევე, საერთაშორისო კომიტეტის ორდენის მფლობელი. 1992 წლიდან ცხოვრობდა ავსტრალიაში.

ვიქტორ სანეევი 2022 წლის 3 იანვარს 76 წლის ასაკში გარდაიცვალა.

სხვა სიახლეები:

🔳 ალექსეი ნავალნის მოკავშირეები რუსეთმა ტერორისტებად გამოაცხადა

🔳 "ყველაზე დიდი გამოწვევა ახლა არის გრძელი კოვიდი" - რა სიმპტომებს ასახელებს გიორგი ფხაკაძე