გია ვოლსკი: ხალხმა უნდა იცოდეს, რომ ბიძინა ივანიშვილს თავისი პირადი ინტერესი სახელმწიფო ინტერესზე მაღლა არასოდეს დაუყენებია

 როდესაც საელჩო - წინა ელჩი, ახლანდელი ელჩი, გარკვეულ ინტენსიურ მოლაპარაკებებშია ოპოზიციურ ჯგუფებთან, მით უმეტეს ასეთი ექსტრემისტული გამოვლინებების ფონზე, გვაფიქრებინებს, რომ გარკვეულ პოლიტიკურ ინტერესებს ჰქონდა ადგილი წინა ადმინისტრაციის დროს, - განაცხადა გადაცემაში „იმედის კვირა“ საქართველოს პარლამენტის თავმჯდომარის პირველმა მოადგილემ გია ვოლსკიმ.

მან „ქართულ ოცნებასთან“ კომუნიკაციის შესახებ აშშ-ის საელჩოს მიერ გამოქვეყნებულ განცხადებაზე ისაუბრა, რომელშიც აღნიშნულია, რომ პარტიის საპატიო თავმჯდომარემ ბიძინა ივანიშვილმა ელჩ დანიგანთან შეხვედრაზე უარი თქვა.

„განცხადება ორაზროვნებას შეიცავს, რბილად რომ ვთქვათ, იმასთან დაკავშირებით, რომ აშშ-ს და საქართველოს შორის არსებობს რაღაც გადაუწყვეტელი პრობლემები და იმ შემთხვევაში, რომ ბიძინა ივანიშვილს დაწესებული აქვს ეს ფორმალური და არაფორმალური აბსოლუტურად უსამართლო სანქციები, ამ ვითარებაში არასერიოზული იქნებოდა ამ თემებზე რაღაც მოლაპარაკებების გამართვა.

ხალხმაც კარგად უნდა იცოდეს, რომ ბიძინა ივანიშვილს თავისი პირადი ინტერესი სახელმწიფო ინტერესზე მაღლა არასოდეს დაუყენებია“, - აღნიშნა გია ვოლსკიმ.

ცნობისთვის, აშშ-ის საელჩოს განცხადებას თავად ბიძინა ივანიშვილიც გამოეხმაურა.