ივნისში საქართველოში შემოსული რუსეთის მოქალაქეების რაოდენობა 500%-ით გაიზარდა

ივნისში საქართველოში რუსეთის 90,239 მოქალაქე შემოვიდა, რაც წინა წელთან შედარებით 503%-ით მეტია. რუსეთის მოქალაქეებმა გასული თვის ვიზიტორთა ნაკადის 23% შეადგინა.

მთლიანობაში ივნისში ქვეყანაში 387,781 საერთაშორისო ვიზიტორის ვიზიტი შედგა, რაც წინა წელთან შედარებით 164%-ით მეტია, თუმცა პანდემიამდელ პერიოდთან შედარებით ვიზიტორთა ეს ნაკადი 47%-ით ნაკლებია, ეს კი იმას ნიშნავს, რომ ტურისტების რაოდენობა 2019 წლის 53%-ზე აღდგა. ტურიზმის ეროვნული ადმინისტრაციის მონაცემებით, ქვეყნების მიხედვით რუსეთის შემდეგ, მეორე პოზიციას იკავებს თურქეთი, საიდანაც 62,000-ზე მეტი ვიზიტორი შემოვიდა.

TOP-15 ქვეყანა, საიდანაც ივნისში საქართველოში შემოვიდნენ:

1) რუსეთი - 90 239 ვიზიტორი, ზრდა წინა წელთან 503%
2) თურქეთი - 62 192 ვიზიტორი, ზრდა წინა წელთან 110%
3) სომხეთი - 61 974 ვიზიტორი, ზრდა წინა წელთან 365%
4) საქართველო (არარეზიდენტი) - 22 143 ვიზიტორი, ზრდა წინა წელთან 104%
5) ისრაელი - 20 555 ვიზიტორი, ზრდა წინა წელთან 30%
6) უკრაინა - 15 273 ვიზიტორი, ზრდა წინა წელთან -1%
7) ყაზახეთი - 14 368 ვიზიტორი, ზრდა წინა წელთან 96%
8) აზერბაიჯანი - 13 067 ვიზიტორი, ზრდა წინა წელთან 89%
9) ბელარუსი - 12 284 ვიზიტორი, ზრდა წინა წელთან 222%
10) საუდის არაბეთი - 10 372 ვიზიტორი, ზრდა წინა წელთან 72%
11) ირანი - 9 454 ვიზიტორი, ზრდა წინა წელთან 599%
12) უზბეკეთი - 5 697 ვიზიტორი, ზრდა წინა წელთან 106%
13) გერმანია - 5 557 ვიზიტორი, ზრდა წინა წელთან 240%
14) პოლონეთი - 3 907 ვიზიტორი, ზრდა წინა წელთან 118%
15) აშშ - 3 195 ვიზიტორი, ზრდა წინა წელთან 87%

ტურიზმის ეროვნული ადმინისტრაციის მონაცემებით, ივნისში საქართველოში ყველაზე მეტი - 253,000 ვიზიტორი სახმელეთო გზით, 131,500 კი საავიაციო გზით შემოვიდა.

ასევე დაგაინტერესებთ:

🔵"ეს იმიტომ ხდება ძვირფასო ელჩო, რომ მთლიანად ატლანტიკური დასავლეთი საქართველოში 30 წელია ეყრდნობიან და მხარს უჭერენ მმართველ პერსონებს იგივე შევარდნაძე–სააკაშვილ—ივანიშვილს და მათგან დანიშნულ ვაი–ოპოზიციებს"

🔵"უსამშობლო და უღმერთო" - ირაკლი კობახიძე აქციის ორგანიზატორებზე

🔵უსუფაშვილი: დეოლიგარქიზაციას თუ ჰქვია დებიძინიზაცია, დეპოლარიზაციას ჰქვია დეკობახიზაცია