კობახიძე: პრეზიდენტს ეწყინა, რომ რადიკალურ ოპოზიციას გუშინ აქცია ჩაუვარდა

"როგორც ჩანს, მან ამით გამოხატა წყენა იმის გამო, რომ რადიკალურ ოპოზიციას გუშინდელი აქცია ჩაუვარდა. მის განცხადებაზე რაიმე სხვა კომენტარს ვერ გავაკეთებ", - ასე უპასუხა „ქართული ოცნების“ თავმჯდომარემ ირაკლი კობახიძემ ჟურნალისტების შეკითხვას პრეზიდენტის განცხადებასთან დაკავშირებით, რომლის თანახმადაც, არც ხელისუფლების და არც ოპოზიციის გეგმას ნამდვილ ეროვნულ თანხმობასთან კავშირი არ აქვს.

მისივე თქმით, პრეზიდენტმა თავადაც არ იცის, თუ რატომ არ მოსწონს მმართველი გუნდის 12-პუნქტიანი გეგმა.

"მას რომ ჩაეკითხოთ, თუ რას გულისხმობდა ჩვენი გეგმის მიმართ კრიტიკაში, ვერ გიპასუხებთ, ვერაფერს ვერ გეტყვით.

შეგიძლიათ ჩაეკითხოთ, თუ რატომ არ მოეწონა 12-პუნქტიანი გეგმა და ვერაფერს ვერ გეტყვით.

ერთადერთი, რაც მან გამოხატა, არის წყენა იმის გამო, რომ რადიკალურ ოპოზიციას გუშინ აქცია ჩაუვარდა“, - აღნიშნა ირაკლი კობახიძემ.

საქართველოს პრეზიდენტ სალომე ზურაბიშვილის შეფასებით, არც ხელისუფლების და არც ოპოზიციის გეგმას ნამდვილ ეროვნულ თანხმობასთან კავშირი არ აქვს.

"არც კობახიძისეულ და არც რადიკალური ოპოზიციის გეგმას „გადადექი და მე გადმოვდგები”, არაფერი საერთო არ აქვს ნამდვილ ეროვნულ თანხმობასა და კანდიდატურის მიღებისთვის აუცილებელ სამოქმედო გეგმასთან", - აცხადებს პრეზიდენტი სალომე ზურაბიშვილი.

ასევე დაგაინტერესებთ:

* კობახიძე: ბიძინა ივანიშვილის ბილბორდებით გახდა სალომე ზურაბიშვილი პრეზიდენტი - მას შეუძლია დარჩეს მის „მესიჯბოქსში“, რომელიც პირდაპირ ემთხვევა „ნაცმოძრაობისას”

* კობახიძე: ჩვენი მიზანია, რომ 6 თვის თავზე საქართველომ მიიღოს კანდიდატის სტატუსი, ვიმოქმედებთ ჩვენი პასუხისმგებლობის შესაბამისად