შალვა პაპუაშვილი: ყველამ თავის ეპშტეინის კუნძულს მიხედოს

ეს არის არა მხოლოდ ცივილიზაციური უფსკრული, ეს არის ადამიანური უფსკრული, საიდანაც გვესმის კრიტიკა საქართველოსთან დაკავშირებით. ასე, რომ ყველამ თავის ეპშტეინის კუნძულს მიხედოს, - განაცხადა საქართველოს პარლამენტის თავმჯდომარემ შალვა პაპუაშვილმა მედიასთან ეპშტეინის ფაილებზე საუბრისას.

„იმ სკანდალის ფონზე, რომელიც ეპშტეინის და მის კუნძულთან დაკავშირებით, რომელიც ბოლო პერიოდში მჟღავნდება, ვხედავთ ერთიმეორეზე მიყოლებით მაღალი თანამდებობის პირებისა და დიპლომატების გადადგომებს როგორც აშშ-ში, ისე ევროპის ქვეყნებში, ამის ფონზე, როდესაც გვესმის კრიტიკა იმ ადამიანებისგან, რომლებიც ამ პოლიტიკურ ლანდშაფტის ნაწილი არიან, ერთადერთი პასუხი ჩნდება - ყველამ თავის ეპშტეინის კუნძულს მიხედოს.

რასაც ჩვენ ვუყურებთ და რაც ახლა ცხადდება არის ძალიან მძიმე. ეს აღარ არისა ცივილიზაციური უფსკრული, ეს არის ადამიანური უფსკრული, სადაც თურმე პოლიტიკური ელიტის დიდი ნაწილი ჩართულები იყვნენ.

ვნახეთ, რომ ბრიტანეთის პრემიერ-მინისტრის ადმინისტრაციის უფროსი გადადგა თუ გადააყენეს სწორედ იმის გამო, რომ მისი რეკომენდაციით იყო დანიშნული ადამიანი, რომელიც ეპშტეინის ფაილებში იძებნება“, - აღნიშნა შალვა პაპუაშვილმა.

ეპშტეინის სკანდალის ფონზე, ბრიტანეთის პრემიერ-მინისტრის ადმინისტრაციის უფროსმა თანამდებობა დატოვა - მან ეპშტეინთან კავშირში მყოფი პიტერ მენდელსონის აშშ-ის ელჩად დანიშვნის გამო, პასუხისმგებლობა აიღო.

ჰელსინკის კომისიაზე სკანდალები გრძელდება. პროფესორი სტივენ შრაგე აქვეყნებს ჰელსინკის კომისიის წევრების მამხილებელ დოკუმენტებს და გამოძიებას ითხოვს.