ათენის ცენტრში მომხდარი მკვლელობის შესახებ რას ჰყვება ინციდენტის ქართველი თვითმხილველი

რამდენიმე საათის წინ ათენის ცენტრში, კერძოდ კატო პატისიაზე ცეცხლსასროლი იარაღით  დაპირისპირება მოხდა რის შედეგადაც დაიღუპა ერთი და დაშავდა კიდევ ერთი ადამიანი. 

შემთხვევის შესახებ  exclusivetv.ge-ს ერთ-ერთი თვითმხილველი უყვება, რომ მანქანიდან ცეცხლსასროლი იარაღით გადმოსულმა, უცნობმა პირმა, ცეცხლი გაუხსნა ერთ კაცს, რასაც საპირისპირო გასროლაც მოყვა. 

თვითმხილველი გადმოცემით, რამდენიმე გასროლის შედეგად, ერთ-ერთი პირი ადგილზე გარდაიცვალა, ხოლო ერთი კი მძიმედ დაშავდა. 

წყაროს ინფორმაციით, თავდამსხმელებმა გამვლელი მანქანიდან  მძღოლი გადმოაგდეს და  შემთხვევის ადგილი მისი მანქანით დატოვეს.

თვითმხილველი ასევე გვიყვება, რომ  მათ გაქცევის დროს, დაჭრილ პიროვნებას რომელიც ასფალტზე ეგდო ავტომობილით გადაუარეს.

როგორც ცნობილია სასწრაფო დახმარების მოსვლამდე დაჭრილი კაცის დახმარებას, თვითმხილველები ცდილობდნენ.

აღსანიშნავია, რომ მათ შორის იყვნენ საქართველოს მოქალაქეებიც. 

სასწრაფო დახმარების გუნდი შემთხვევის ადგილზე ინციდენტიდან დაახლოებით ნახევარი საათის შემდეგ მივიდა. 

დაჭრილი კაცი გადაყვანილია ადგილობრივ საავადმყოფოში. 

შეიარაღებული თავდასხმის მოტივად, ორ მძღოლს შორის გამართული ურთიერთშელაპარაკება სახელდება.  

ასევე საინტერესოა: 

🔵ათენში ახალგაზრდა კაცი მოკლეს - "ექსკლუზივ ტვ" დეტალების გარკვევას ცდილობს

🔵ირანელ ლტოლვილს, რომელმაც საბერძნეთის ეროვნულ გამოცდებზე უმაღლესი ქულები მოიპოვა, კირიაკოს მიცოტაკისი შეხვდება

🔵საბერძნეთში ქართული დიასპორის წარმომადგენლებს საქართველოს პარლამენტის წევრები შეხვდნენ