როგორ შეამციროთ ელექტროენერგიის გადასახადი საბერძნეთში - სასარგებლო რჩევები

საბერძნეთში, ელექტროენერგიის ფასის ზრდამ აბონენტებში დიდი შეშფოთება გამოიწვია. ეს სტატია  დაგეხმარებათ გააკეთოთ მაქსიმალური ეკონომია და დაზოგოთ ელექტროენერგიის მოხმარება.

გაეცანით, 11 სრულიად ლეგალურ გზას თუ როგორ დაზოგოთ ელექტროენერგია და შეამციროთ გადასახადების ხარჯები. წაიკითხეთ სპეციალისტების მოსაზრება:  

1.თუ შეგიძლიათ, გადადით ელექტროენერგიის მომწოდებელ კერძო კომპანიებზე, იქ  ფასებიც შედარებით დაბალია და მომხმარებელიც ნალებად მოტყუებული რჩება.  

2. გაააქტიურეთ „სოციალური ტარიფი“ (κοινωνικό τιμολόγιο) 
მიუხედავად იმისა, რომ საბერძნეთში დაუბეგრავი მინიმუმი  5000 ევრომდე შემცირდა, ΔΕΗ-ში 
ინსტრუქციები ჯერ არ შეცვლილა და თუ თქვენ გაქვთ დეკლარირებული წინა წლის შემოსავალი და თუ ის არ აღემატება 12000 ევროს, შეგიძლიათ მიიღოთ 30% -იანი ფასდაკლება კვარტალში მოხმარებული ელექტროენერგიის, პირველ 800 კვტ-ზე. ფასდაკლებას იმ შემთხვევაში მიიღებთ თუ კვარტალის საერთო ხარჯი იქნება 200-დან 14000 კვტ-მდე.
 
3. გაააქტიურეთ "ღამის ტარიფი" (νυχτερινό τιμολόγιο)  
მისი გააქტიურება შეგიძლიათ თქვენი საცხოვრებელი რეგიონში მდებარე ∆ΕΗ-ის ოფისში განაცხადის შეტანით. ამგვარად თქვენ ელექტროენერგიაზე  50%-იან ფასდაკლებას მიიღოთ. 1 ნოემბრიდან 30 აპრილამდე, “ღამის ტარიფის” რეჟიმი შეგიძლიათ გამოიყენოთ 02:00 -დან 08:00 საათამდე და დღის მეორე ნახევარში 15:30-დან 17:30 საათამდე. ამ დროის მონაკვეთში 50%-იანი ფასდაკლებით, თქვენ შეგიძლიათ გააკეთოთ ის საქმეები რომელნიც ელექტროენერგიის ყველაზე დიდი რაოდენობის მოხმარებას საჭიროებს. მაგალითად ჩართოთ სარეცხი მანქანა და წყლის გამათბობელი მოამზადოთ სადილი და ა.შ. ეს დაგეხმარებათ თითქმის 40 % -ით შეამციროთ თქვენი ელექტროენერგიის გადასახადი.  1 მაისიდან 31 ოქტომბრამდე „ღამის ტარიფი“ მოქმედებს 23:00-დან 08:00 საათამდე ასე, რომ თუ თქვენ იყენებთ კონდიციონერს განსაკუთრებით ღამის საათებში, მაშინ აღნიშნული ტარიფით საკმაოდ მნიშვნელოვანი თანხა დაგეზოგებათ. 

3.გააკეთეთ განცხადება ენანედის (ΕΝΑΝΤΙ “სავარაუდო ანგარიში”) გასაზრდელად.  
იმისათვის რომ არ შეხვიდეთ შეცდომაში და არ მოგიწიოთ ზედმეტი თანხის გადახდა არსებობს ორი გზა - გადაიხადოთ გადასახადები დროულად ან გაზარდოთ ენანდი. ვინაიდან, გადასახადების გადახდის შემდეგ თქვენ კიდევ 2 თვე უნდა ელოდოთ, რომ გადასახადები “დაემთხვეს”. ენადის გაზრდით კი თქვენ დაზღვეული იქნებით ზედმეტი გადასახადებისგან. 

4. რეგულარულად შეამოწმეთ მრიცხველი და ჩაიწერეთ მონაცემები. ამრიგად თქვენ შეგეძლებათ აკონტროლოთ თქვენს მიერ დახარჯული ელექტროენერგია და იმ შემთხვევაში თუ ეჭვი შეგეპარებათ თქვენი ინვოისების სიზუსტეში, შეგიძლიათ წახვიდეთ ΔΕΗ-ს ოფისში და მოითხოვოთ თქვენი გადასახადების გადამოწმება, არ არის გამორიცხული რომ თქვენს ანგარიშზე რაღაც ზედმეტად იყოს აღრიცხული.  

5. დააყენეთ ტაიმერი საყოფაცხოვრებო ტექნიკაზე "ღამის ტარიფის" გამოსაყენებლად. ასეთი მოწყობილობების დაყენება დაახლოებით 10-დან 40 ევრომდე დაგიჯდებათ, რასაც დაზოგილი თანხით  რამდენიმე თვეში აინაზღაურებთ.  

6. გამოიყენეთ თანამედროვე კონდიციონერები მაცივრები, ელექტრო ღუმელები და ენერგიის დაზოგვის  A და A ++ კატეგორიების სხვა დანადგარები. მოკლედ რომ ვთქვათ ელექტროენერგიის ამჟამინდელი ფასის გათვალისწინებით, ძველი მოდელის კონდიციონერის, ან მაცივრის მაღალი ხარისხის თანამედროვე ტექნიკით ჩანაცვლების შემთხვევაში, მის საფასურს, დაზოგილი ელექტროენერგიის გადასახადით ერთ წელზე ნაკლებ დროში აინაზღაურებთ. 

7. შეცვალეთ ყველა  ძველი ტიპის ნათურები თანამედროვე LED ნათურებით, რაც გაცილებით უფრო ეკონომიურია. მათი გამოყენების ვადა რამდენიმე წელია, ამ დროის განმავლობაში თითოეულ ნათურაზე ჩვეულებრივთან შედარებით, თქვენ დაზოგავთ ათჯერ მეტ ფულს, ვიდრე მისი ღირებულებაა. 

8. გამოიყენეთ წნევის გაზქურები(χύτρα). ეს შეუცვლელი საყოფაცხოვრებო ნივთი საშუალებას მოგცემთ დაზოგოთ სადილის მომზადების დრო მინიმუმ 50%-ით და შესაბამისად, იგივე რაოდენობის ელექტროენერგია. 

9. დააყენეთ მზის წყლის გამაცხელებლები. მზიან ამინდში, ზამთარშიც კი შეგიძლიათ მიიღოთ ცხელი წყალი, რომლის გამოყენებაც შეიძლება, როგორც სანიტარიული, ასევე საყოფაცხოვრებო საჭიროებისთვის. 

10. გასაგრილებლად გამოიყენეთ ჩვეულებრივი ვენტილატორები. ვენტილატორის მიერ მოხმარებული სიმძლავრე ჩვეულებრივ არ აღემატება 60 ვატს, ხოლო კონდიციონერის მიერ მოხმარებული სიმძლავრე  1000 ვატზე მეტია. 

ასევე საინტერესოა

🔴საბერძნეთში 4 ბალიანი მიწისძვრა მოხდა

🔴საბერძნეთის მთავრობამ კოვიდვაქცინის მეოთხე დოზა დაამტკიცა - ვისთვის იქნება აცრა აუცილებელი?

🔴ცხვირი და ცალი თვალი პლასტიკური ოპერაციის შედეგად, დაკარგა - 28 წლის ქალი ექიმისგან ერთ მილიონ ევროს ითხოვს