საბერძნეთში 18-დან 24 წლამდე ასაკობრივ ჯგუფში კორონავირუსის აფეთქებაა - რომელი რეგიონებია წითელ ზონაში

"საბერძნეთში 18-დან 24 წლამდე ასაკობრივ ჯგუფში კორონავირუსის აფეთქებაა", - ამის შესახებ ორშაბათს EODY-ის პრეზიდენტმა, თეოკლის ზაუტისმა და ორგანიზაციის ვიცე-პრეზიდენტმა, დიმიტრი პარასკევისმა, ქვეყანაში ბოლო დროს დაფიქსირებული კოვიდშემთხვევების ზრდის ტენდენციებზე ისაუბრეს.

როგორც ეპიდემიოლოგიისა და პრევენციული მედიცინის პროფესორმა და ორგანიზაციის ვიცე-პრეზიდენტმა პარასკევისმა განაცხადა, საბერძნეთის რეგიონები, სადაც შემთხვევების განსაკუთრებული ზრდა შეინიშნება, არის იონიის, სამხრეთ ეგეოსის კუნძულები და ატიკა.

"ეპიდემიოლოგიური მონაცემებით, ევროკავშირის სახელმწიფოების უმრავლესობას ემუქრება შემთხვევების ზრდა Omicron 4-5 შტამების გავრცელების გამო", - დასძინა EODY-ის პრეზიდენტმა თეოკლის ზაუტისმა.

პულმონოლოგმა, პროფესორმა სტილიანოს ლუკიდისმა განაცხადა, რომ ვირუსის შემთხვევების ზრდა სეზონზეა დამოკიდებული, რადგან ეს არის ინტენსიური კომუნიკაბელურობის პერიოდი, როდესაც ხალხი გადადის დასასვენებლად სხვადასხვა ქვეყნებში.

პროფესორის თქმით, სასწრაფოდ უნდა იყოს მეტი დაცვა ხალხმრავალ ადგილებში, როგორიცაა აეროპორტები და გემები, რომლებშიც ნიღბების გამოყენება უნდა აღდგეს.

საბერძნეთში ბოლო 24 საათის განმავლობაში კორონავირუსის ახალი ლაბორატორიულად დადასტურებული შემთხვევებმა 11 629 ადამიანი შეადგინა.

კოვიდ19-ით დაღუპულთა რიცხვი კი 26-მდე გაიზარდა.

ასევე დაგაინტერესებთ:

* კობახიძე: პრეზიდენტს ეწყინა, რომ რადიკალურ ოპოზიციას გუშინ აქცია ჩაუვარდა