საბერძნეთში 20 წლის ქალის მკვლელობის საქმეზე, რომელსაც ქართველს აბრალებდნენ, მოკლულის ქმარი დააკავეს

ბერძნული მედიის ინფორმაციით, 20 წლის კაროლაინის მკვლელობასთან დაკავშირებთ, საბერძნეთის პოლიციის ხელთ არსებული ახალი საქმის დეტალებიდან ირკვევა, რომ კაროლაინის მკვლელი მის 32 წლის მეუღლეა.

ინფორმაცია რომლის მიხედვითაც კაროლაინის მეუღლე პოლიციამ ეჭვმიტანილად ცნო, ამოღებულია თანამედროვე ტექნოლოგიის საშუალებით ძირითადად  წყვილის მობილური ტელეფონების კამერებიდან და კაროლინის ხელზე არსებული ბიომეტრიული საათიდან, რომელიც ზუსტად აფიქსირებს კაროლაინის გარდაცვალების დროს, რაც არ ემთხვევა 32 წლის პილოტის მიერ მიცემული ჩვენების დეტალებს.

ბაბი ანაგნოსტოპულოს დანაშაულის დამამტკიცებელ ინფორმაციას საბერძნეთის პოლიცია გუშინდლიდან ფლობდა, თუმცა, დამნაშავის შეშინება და სიტუაციის სხვაგვარად შემობრუნება, რომ არ მოჰყოლოდა ამ ამბავს, პოლიცია მას დაუკავშირდა და განყოფილებაში გამოცხადება  კიდევ ერთხელ ჩვენების მისაცემად და ახალ დეტალებთან გაცნობის მიზნით თხოვა. აღსანიშნავია, რომ დამნაშავემ პოლიციის თანამშრომლების ერთი დღე ითხოვა, რათა საკუთარი მეუღლის საფლავზე გამართულ „გარდაცვლილის მოსახსენებელ“ ტრადიციულ ცერემონიალს  დასწრებოდა, რაზედაც პოლიციამ უარი არ უთხრა, რათა რაიმე ეჭვი არ გამოეწვია.

სასაფლაოზე გამართულ ცერემონიალს ესწრებოდდნენ ტელეკომპანია ALPA-ს ჟურნალისტებიც. მათი კამერის კადრზე კარგად ჩანს, თუ როგორ იხუტებს გულში 32 წლის პილოტი მოკლული მეუღლის განადგურებულ დედას.

ინფორმაციისთვი, აღნიშნულ საქმეზე თავდაპირველად საბერძნეთის ქალაქ ეროსში 30 წლის საქართველოს მოქალაქე დააკავეს. მისი დაკავება მაშინ მოხდა, როდესაც კაცი საბერძნეთის დატოვებას და ბულგარეთში გადასვლას ცდილობდა.

ბერძნული მედიის ცნობით, სამართალდამცველებმა ის საბუთების შესამოწმებლად გააჩერეს. როდესაც პასპორტი ყალბი აღმოჩნდა, მონაცემები ბაზაში გადაამოწმეს. დაკავებულის გარეგნული აღწერილობა იმ ეჭვმიტანილის მონაცემებს დაემთხვა, რომელიც რამდენიმე მძიმე დანაშაულის, მათ შორის 20 წლის ქალის მკვლელობაშია ეჭვმიტანილი. თუმცა, როგორც აღმოჩნდა, მკვლელობაში ქართველის ხელი არ ერია.