საბერძნეთში, რამდენიმე დღის ჩვილი რძით დაიხრჩო - მშობლები პასუხისმგებელი პირების სამართლებრივ დევნას ითხოვენ

საბერძნეთში, საავადმყოფოში გარდაცვლილი რამდენიმე დღის ბავშვის მშობლებმა, ყველა პასუხისმგებელი პირის წინააღმდეგ პოლიციაში სარჩელი შეიტანეს, როგორ ცნობილია ჩვილის გარდაცვალება რძით დახრჩობამ გამოიწვია.

 მამის განცხადებით, ბავშვის სახლში წასაყვანად ემზადებოდნენ, რადგან ექიმების ინფორმაციით, ის სრულიად ჯანმრთელი იყო, გამოწერამდე რამდენიმე საათით ადრე კი  შეატყობინეს ბავშვი გარდაიცვალა.

" ოჯახურად გაგვანადგურეს და ამისთვის ბოდიშიც კი არავის მოუხდია. მსურდა ერთი ბოდიში მაინც მომესმინა პასუხისმგებელი პირისგან. ამ სარჩელის შეტანის გარდა სხვა არაფრის გაკეთება არ შემიძლია. ვერ ვიჯერებ, რომ სრულიად ჯანმრთელ ბავშვს, ასეთი რამე შეემთხვა " განაცხადა ჩვილის მამამ ტელეკომპანია  Star-თან საუბრისას. 

რამდენიმე დღის ბავშვი მშობლებმა ბავშვთა საავადმყოფოში  ტაქიპნოეს (აჩქარებული სუნთქვის) გამო მიიყვანეს რადგან შიშობდნენ, რომ მას შეიძლება კორონავირუსი ჰქონოდა. გამოკვლევების შედეგად კი დადგინდა, რომ ბავშვი სრულიად ჯანმრთელი იყო.

საავადმყოფოდან გამოწერამდე ცოტა ხნით ადრე კი მშობლებს მომხდარი ტრაგედიის შესახებ შეატყობინეს. ბოლო კვებიდან რამდენიმე საათში, საავადმყოფოს თანამშრომლებმა ჩვილი ფერმკრთალი და საკუთარ რძეში გაგუდული იპოვეს. 

ბავშვის გარდაცვალებისთანავე მამამ პოლიციაში პასუხისმგებელი პირების წინააღმდეგ სარჩელი შეიტანა და მათი სისხლისსამართლებრივი დევნა მოითხოვა. 

საქმესთან დაკავშირებით  წინასწარი გამოძიება მიმდინარეობს.

ასევე საინტერესოა:

🔵საბერძნეთის პოლიცია ათენის გარე უბანში, სახლიდან გატაცებულ 6 წლის ბავშვს ეძებს - ბავშვს დედა ეგონა და უცნობ კაცს, კარები გაუღო

🔵ზახაროვა მიცოტაკისის წინააღმდეგ: "მისი კონგრესში სიტყვით გამოსვლა, იყო მორიგი მცდელობა გაამართლოს თავის ღრმად მცდარი გადაწყვეტილება"

🔵საბერძნეთში ვინ უნდა გაიკეთოს მაიმუნის ჩუტყვავილას საწინააღმდეგო აცრა ?! - ვაქცინაციის კომიტეტის გადაწყვეტილება