დღეიდან კოვიდის საწინააღმდეგო აბი ხელმისაწვდომი იქნება იტალიაში: როდის და როგორ გამოვიყენოთ იგი

„Merck & Co“-ს მიერ წარმოებული კოვიდის საწინააღმდეგო აბი, რომელიც იტალიური მედიკამენტების სააგენტომ უკვე დაამტკიცა დღეიდან იტალიაშიც შემოვა და იგი ხელმისაწვდომი დღეიდან იქნება.

მისი მიღება რეკომენდებულია პაციენტების სამკურნალოდ, რომლებსაც დაავადება მსუბუქ ფორმაში გამოუვლინდება, ვირუსის საწყის ეტაპზე თანმხლები კლინიკური მაჩვენებლებით, რომლებიც დაავადების მძიმე ფორმაში გადაზრდის საფრთხეს შეიცავს.

კოვიდის საწინააღმდეგო აბის, მოლნუპირავირის (molnupiravir) მიღების დაწყება რეკომენდებულია სიმპტომების გამოვლენიდან 5 დღის განმავლობაში და მოქმედებს ვირუსის ორგანიზმში გამრავლების უნარში ჩარევით. ფაქტობრივად, პრეპარატი ცვლის ვირუსის გენეტიკურ კოდს და ხელს უშლის ორგანიზმში მის გამრავლებას, რაც სერიოზული დაავადებების წარმოქმნის რისკს ამცირებს. ექსპერტების აზრით, ის ეფექტური უნდა იყოს ვირუსის ყველა სხვადასხვა ვარიანტზე.

მკურნალობა მოიცავს ოთხი 200 მილიგრამიანი ტაბლეტის მიღებას დღეში ორჯერ, ხუთი დღის განმავლობაში. პრეპარატის გამოწერისთვის გათვალისწინებულია მონიტორინგის რეესტრის გამოყენება, რომელიც ხელმისაწვდომია წამლის სააგენტოს ონლაინ საიტზე.

სხვა საკითხებთან ერთად, კლინიკურმა ტესტებმა აჩვენა, რომ კოვიდის საწინააღმდეგო აბს შეუძლია 50%-მდე შეამციროს მძიმე პაციენტებში ჰოსპიტალიზაციის რისკი.

აგრეთვე დაგაინტერესებთ:

📌 სინოპტიკოსები იტალიაში ამინდის გაუარესებას 4 იანვრიდან პროგნოზირებენ

📌 ავარიის ადგილზე მისულ სასწრაფო დახმარების ეკიპაჟის წევრს, საკუთარი 15 წლის და დახვდა გარდაცვლილი

📌 იტალიის სკოლებში საწავლო პროცესი გადაიდო?

📌 ასე იცის გაზულუქებულმა ცხოვრებამ, სხვისი გასაჭირი ძნელი გასაგები ხდება - ემიგრანტი ჟურნალისტი

📌 „ერთი ემიგრანტი ქალბატონი ჰყვებოდა“ - ამბავი, რომელიც ძალიან გაგახალისებთ